ഓരോ സിനിമയും വലിയ പ്രതീക്ഷകളോടെയാണ് അണിയറപ്രവര്‍ത്തകര്‍ പ്രേക്ഷകന്റെ മുന്‍പിലേക്ക് എത്തിയ്ക്കുന്നത്. ചില ചിത്രങ്ങള്‍ വമ്പന്‍ ഹിറ്റുകള്‍ ആകുമ്പോള്‍ മറ്റ് പല ചിത്രങ്ങളും ബോക്‌സ് ഓഫീസില്‍ പരാജയപ്പെട്ടേക്കാം. അങ്ങനെ പരാജയപ്പെട്ട ഒരു ബിഗ് ബജറ്റ് സിനിമയുണ്ട്. 350 കോടി രൂപയില്‍ നിര്‍മ്മിച്ച ഈ ചിത്രം റിലീസ് ചെയ്ത ഉടന്‍ തന്നെ ബോക്‌സ് ഓഫീസില്‍ പരാജയപ്പെട്ടു. 2022-ല്‍, പുറത്തിറങ്ങിയ ചിത്രമായിരുന്നു അത്. വരുമാനത്തെക്കുറിച്ച് മറക്കൂ, ചിത്രത്തിന് അതിന്റെ ചെലവ് പോലും തിരിച്ചു പിടിക്കാന്‍ കഴിഞ്ഞില്ല. ചിത്രം ബോക്‌സ് ഓഫീസില്‍ തകര്‍ന്നതറിഞ്ഞു നായകന്‍ പൊട്ടിക്കരയുക പോലും ഉണ്ടായി.
2022-ല്‍ പുറത്തിറങ്ങിയ ‘സാമ്രാട്ട് പൃഥ്വിരാജ്’ എന്ന പീരിയഡ് ഡ്രാമ സിനിമയെ കുറിച്ചാണ് നമ്മള്‍ പറയുന്നത്. അക്ഷയ് കുമാറായിരുന്നു ചിത്രത്തില്‍ പ്രധാന വേഷം ചെയ്തത്. ചിത്രത്തില്‍ സൂപ്പര്‍സ്റ്റാറിന്റെ നായികയായി എത്തിയത് മാനുഷി ചില്ലാര്‍ ആയിരുന്നു. തിയേറ്ററുകളില്‍ എത്തിയ ഉടന്‍ തന്നെ ഈ ചിത്രം ബോക്‌സ് ഓഫീസില്‍ പരാജയപ്പെട്ടു. ഇതുമൂലം അക്ഷയ് കുമാര്‍ വളരെ ദുഃഖിതനായിരുന്നു. പൃഥ്വിരാജ് ചൗഹാന്റെ വേഷത്തിലാണ് അക്ഷയ് കുമാര്‍ അഭിനയിച്ചത്. ചിത്രത്തിനായി നിര്‍മ്മാതാക്കള്‍ ധാരാളം പണം ചെലവഴിച്ചിരുന്നു. ചിത്രം ബോക്‌സ് ഓഫീസില്‍ തിളങ്ങുമെന്ന് പ്രതീക്ഷിച്ചിരുന്നു, പക്ഷേ റിലീസ് ചെയ്തതിനു ശേഷം കാര്യങ്ങള്‍ നേരെ മറിച്ചായി. ചിത്രത്തിന് അതിന്റെ ചെലവ് പോലും തിരിച്ചു പിടിക്കാന്‍ കഴിഞ്ഞില്ല.
അക്ഷയ് കുമാറിന്റെ ‘സാമ്രാട്ട് പൃഥ്വിരാജ്’ സംവിധാനം ചെയ്തത് ചന്ദ്രപ്രകാശ് ദ്വിവേദിയാണ്. മുകേഷ് ഖന്നയുടെ യൂട്യൂബ് ചാനലില്‍ നല്‍കിയ അഭിമുഖത്തില്‍, ചിത്രത്തിന്റെ ബോക്‌സ് ഓഫീസ് പരാജയത്തെക്കുറിച്ച് അദ്ദേഹം സംസാരിച്ചു. ‘സാമ്രാട്ട് പൃഥ്വിരാജ്’ എന്ന ചിത്രത്തിലെ അക്ഷയ് കുമാറിന്റെ ലുക്ക് വളരെയധികം വിമര്‍ശിക്കപ്പെട്ടുവെന്ന് ചന്ദ്രപ്രകാശ് ദ്വിവേദി പറഞ്ഞു. അക്ഷയ് കുമാറും മാനുഷി ചില്ലറും തമ്മിലുള്ള പ്രായവ്യത്യാസത്തെക്കുറിച്ച് ആളുകള്‍ എതിര്‍പ്പ് പ്രകടിപ്പിച്ചിട്ടുണ്ടെന്നും ചന്ദ്രപ്രകാശ് ദ്വിവേദി പറഞ്ഞു. കടുത്ത വിമര്‍ശനങ്ങള്‍ കാരണം അക്ഷയ് കുമാര്‍ വളരെ ദുഃഖിതനായിരുന്നു, തുടര്‍ന്ന് ചിത്രം പരാജയപ്പെട്ടപ്പോള്‍ അദ്ദേഹം പൊട്ടിക്കരഞ്ഞു.
ബോക്‌സ് ഓഫീസ് ഇന്ത്യയുടെ കണക്കനുസരിച്ച്, അക്ഷയ് കുമാറിന്റെ ‘സാമ്രാട്ട് പൃഥ്വിരാജ്’ എന്ന ചിത്രത്തിന്റെ നിര്‍മ്മാതാക്കള്‍ 200 കോടി രൂപ ചെലവഴിച്ചു. ഇന്ത്യയില്‍ 68 കോടി രൂപയുടെ ബിസിനസ്സ് ഈ ചിത്രം നേടി. ലോകമെമ്പാടുമായി ചിത്രത്തിന്റെ ആകെ വരുമാനം 90 കോടി രൂപ മാത്രമാണ്. അക്ഷയ് കുമാറിന്റെ ‘സാമ്രാട്ട് പൃഥ്വിരാജ്’ എന്ന ചിത്രത്തിലൂടെയാണ് മാനുഷി ചില്ലാര്‍ ബോളിവുഡില്‍ അരങ്ങേറ്റം കുറിച്ചത്. സഞ്ജയ് ദത്ത്, സോനു സൂദ്, മാനവ് വിജ്, അശുതോഷ് റാണ, മനോജ് ജോഷി, സാക്ഷി തന്‍വാര്‍ എന്നിവരും ചിത്രത്തില്‍ അഭിനയിച്ചിരുന്നു. യാഷ് രാജ് ഫിലിംസിന്റെ ബാനറിലാണ് ‘സാമ്രാട്ട് പൃഥ്വിരാജ്’ എന്ന ചിത്രം നിര്‍മ്മിച്ചത്.
