തലയിലേറ്റ വെടിയുണ്ടയുമായി ഒരാഴ്ചയോളം യുദ്ധഭൂമിയില്‍ പോരാട്ടം തുടര്‍ന്ന സൈനികന്റെ വീരപ്രവര്‍ത്തി വാഴ്ത്തി റഷ്യന്‍ മാധ്യമങ്ങള്‍.
കുര്‍സ്‌ക് മേഖലയില്‍ യുദ്ധം തുടര്‍ന്ന റഷ്യന്‍ സൈനികന്റെ വീരകഥകളാണ് വടക്കന്‍പാട്ടായി മാറിയിരിക്കുന്നത്. കുര്‍സ്‌കില്‍ മേഖലയില്‍ ഉക്രേനിയന്‍ സൈനികരുമായി പോരാടുന്ന റഷ്യയുടെ പസഫിക് ഫ്‌ലീറ്റിലെ 155-ാമത് മറൈന്‍ ബ്രിഗേഡിലെ അംഗമാണ്.
പക്ഷേ പേര് റഷ്യ പുറത്തുവിട്ടിട്ടില്ല. യുദ്ധത്തിനിടയില്‍ വെടിയേറ്റ ഇയാളുടെ തലയില്‍ നിന്ന് ഹെല്‍മെറ്റ് ഊരിപ്പോയിരുന്നു. ബുളളറ്റ് അതില്‍ തട്ടി തെറിച്ചിട്ടുണ്ടാകാമെന്നാണ് സൈനികന്‍ കരുതിയത്. പക്ഷേ വലത് കണ്ണിന് മുകളില്‍ ഒരു ഹെമറ്റോമ വികസിച്ചു, അത് ഒടുവില്‍ കണ്ണ് പൂര്‍ണ്ണമായും മൂടുന്ന നിലയിലായി. പക്ഷേ നീര് സ്വയം സുഖപ്പെടുമെന്ന് കരുതി അയാള്‍ തന്റെ ജോലിയില്‍ ഏര്‍പ്പെട്ടു. കഷ്ണങ്ങളുമായി ബന്ധപ്പെട്ട് ഉണ്ടായ മറ്റൊരു മുറിവ് രൂക്ഷമായതോടെയാണ് ഇയാള്‍ ആശുപത്രിയില്‍ എത്തിയത്. അപ്പോഴാണ് ഹെല്‍മെറ്റില്‍ നിന്ന് തെറിച്ച ബുള്ളറ്റ് യഥാര്‍ത്ഥത്തില്‍ തലയോട്ടിയില്‍ തുളച്ചുകയറുകയും തലച്ചോറില്‍ തങ്ങിനില്‍ക്കുകയും ചെയ്തുവെന്ന് മനസ്സിലാക്കിയത്.
ഷ്രാപ്നലിനുള്ള എക്സ്-റേ പരിശോധനയ്ക്ക് ശേഷമാണ് റഷ്യന്‍ ഡോക്ടര്‍മാര്‍ സൈനികന്റെ തലച്ചോറില്‍ ഒരു വലിയ റൈഫിള്‍ ബുള്ളറ്റ് കുടുങ്ങിയതായി കണ്ടെത്തുകയായിരുന്നു. അവന്റെ കേസ് ഒരു അപൂര്‍വ അത്ഭുതമായി കണക്കാക്കി അവര്‍ മനുഷ്യന്‍ അവന്റെ പ്രതിരോധശേഷിയെ പ്രശംസിക്കുകയാണ്. കേടുപാടുകള്‍ സംഭവിച്ച ഹെല്‍മറ്റും വീര്‍ത്തിരിക്കുന്ന കണ്ണുമായി സൈനികന്റെ ഫോട്ടോ പുറത്തുവന്നിട്ടുണ്ട്. വീര്‍ത്ത കണ്‍പോളകളല്ലാതെ മറ്റൊരു പ്രശ്‌നവുമില്ലാതെ ആ മനുഷ്യന്‍ ഒരാഴ്ച കൂടി യുദ്ധമേഖലയില്‍ പോരാട്ടം തുടര്‍ന്നു.
അമേരിക്കന്‍ സിവില്‍ വാര്‍ സൈനികന്‍ ജേക്കബ് മില്ലര്‍ വെടിയേറ്റ് മസ്തിഷ്‌കത്തില്‍ കുടുങ്ങിയ വെടിയുണ്ടയുമായി 50 വര്‍ഷം ജീവിച്ചിരുന്നു. നെറ്റിയില്‍ ഒരു ദ്വാരം ഉള്ള അദ്ദേഹത്തിന്റെ ഫോട്ടോകള്‍ ഇന്നും സോഷ്യല്‍ മീഡിയയില്‍ പ്രചരിക്കുന്നുണ്ട്.
