വൈറ്റ് ബോള്‍ ക്രിക്കറ്റില്‍ ഇന്ത്യന്‍ ടീമിന്റെ ക്യാപ്റ്റനായി രോഹിത് ശര്‍മ്മയ്ക്ക് പകരം ഹാര്‍ദിക് എത്തുമെന്ന് വളരെക്കാലമായി പറഞ്ഞുകേള്‍ക്കുന്നുണ്ട്. എന്നാല്‍ ഒന്നും നടന്നില്ലെന്നു മാത്രം. ഇത്തവണയും സമാന റിപ്പോര്‍ട്ടുകള്‍ പുറത്തുവരികയാണ്. സ്റ്റാര്‍ ഓള്‍റൗണ്ടര്‍ ഹാര്‍ദിക് പാണ്ഡ്യ ഉടന്‍ ഇന്ത്യന്‍ ക്യാപ്റ്റനായി തിരിച്ചെത്തിയേക്കും. ചാംപ്യന്‍സ് ട്രോഫി ലക്ഷ്യമിട്ടുള്ള നീക്കങ്ങളില്‍ ഒന്ന് ഇതാണെന്നാണ് വിലയിരുത്തല്‍.
നേരത്തേ രോഹിത് ശര്‍മ്മയുടെ അഭാവത്തില്‍ ഒന്നിലധികം പരമ്പരകളില്‍ ടീമിനെ നയിച്ചിട്ടുള്ളയാളാണ് ഈ ഓള്‍റൗണ്ടര്‍. എന്നിരുന്നാലും, കഴിഞ്ഞ വര്‍ഷം ഇന്ത്യ ടി20 ലോകകപ്പ് നേടിയതിന് ശേഷം ബിസിസിഐ സൂര്യകുമാര്‍ യാദവിനെ ഇന്ത്യയുടെ മുഴുവന്‍ സമയ ടി20 ക്യാപ്റ്റനായി നിയമിച്ചു. അതിന് പിന്നാലെ ഹര്‍ദികിനെ അവഗണിച്ചു യുവ ബാറ്റര്‍ ശുഭ്മാന്‍ ഗില്ലിനെ ഏകദിനത്തില്‍ വൈസ് ക്യാപ്റ്റന്‍ റോളിലേക്ക് ഉയര്‍ത്തിയിരുന്നു. അടുത്തിടെ സമാപിച്ച ഇംഗ്ലണ്ടിനെതിരായ ടി20 ഐ പരമ്പരയിലും ഹാര്‍ദിക്കിന് നില്‍ക്കുമ്പോള്‍ അക്സര്‍ പട്ടേലിനെ വൈസ് ക്യാപ്റ്റനായി നിയമിച്ചു. എന്നിരുന്നാലും, ദൈനിക് ഭാസ്‌കറിലെ ഒരു റിപ്പോര്‍ട്ട് അനുസരിച്ച്, വരാനിരിക്കുന്ന ചാമ്പ്യന്‍സ് ട്രോഫിയില്‍ കൂടി ടീം പരാജയപ്പെട്ടാല്‍ ഹാര്‍ദിക് ഇന്ത്യയുടെ പുതിയ ഏകദിന ക്യാപ്റ്റനായി മാറും.
ഹര്‍ദിക് പാണ്ഡ്യയെ വൈസ് ക്യാപ്റ്റന്‍ ആക്കണമെന്ന് ഹെഡ് കോച്ച് ഗൗതം ഗംഭീര്‍ ആഗ്രഹിച്ചിരുന്നു, എന്നാല്‍ രോഹിത് ശര്‍മ്മയും അജിത് അഗാര്‍ക്കറും ശുഭ്മാന്‍ ഗില്ലിനെ തിരഞ്ഞെടുക്കുന്നതില്‍ ഉറച്ചുനിന്നതായി റിപ്പോര്‍ട്ട് വെളിപ്പെടുത്തി. നിലവിലെ നായകന്‍ സൂര്യകുമാര്‍ തകര്‍ച്ചയിലൂടെ കടന്നുപോകുന്നതിനാല്‍ ടി20യില്‍ ഹാര്‍ദിക്കിന് തന്റെ നായകസ്ഥാനം വീണ്ടെടുക്കാനാകുമെന്നും റിപ്പോര്‍ട്ട് കൂട്ടിച്ചേര്‍ത്തു.
കഴിഞ്ഞ വര്‍ഷം ടി20 ലോകകപ്പില്‍ രോഹിതിന്റെ ഡെപ്യൂട്ടി ആയിരുന്നു ഹാര്‍ദിക്, എന്നാല്‍ ഫിറ്റ്നസ് പ്രശ്നങ്ങള്‍ കാരണം തരംതാഴ്ത്തപ്പെട്ടു. മുമ്പും ഹാര്‍ദിക്കിന് ഒരുപാട് അനീതി നേരിടേണ്ടി വന്നിട്ടുണ്ടെന്ന കുറച്ച് ബിസിസിഐ തല്പരരും ഗംഭീറും കരുതുന്നു. ഫിറ്റ്നസ് പ്രശ്നങ്ങള്‍ കാരണം അദ്ദേഹത്തിന് നായകസ്ഥാനം നഷ്ടപ്പെട്ടെങ്കിലും അദ്ദേഹത്തിന്റെ ഫോം മികച്ചതാണ്.
അഞ്ച് മത്സരങ്ങളുടെ ടി20 പരമ്പരയില്‍ ഇംഗ്ലണ്ടിനെതിരെ 28 റണ്‍സ് മാത്രമാണ് സൂര്യകുമാറിന് നേടാനായത്. ടീമിലെ അദ്ദേഹത്തിന്റെ സ്ഥാനവും ഈയിടെയായി വലിയ നിരീക്ഷണത്തിന് വിധേയമായിട്ടുണ്ട്. ഫെബ്രുവരി 06 ന് ആരംഭിക്കുന്ന മൂന്ന് മത്സരങ്ങളുള്ള ഏകദിന പരമ്പരയില്‍ ഇന്ത്യ ഇംഗ്ലണ്ടിനെ നേരിടും. അതേസമയം, ഫെബ്രുവരി 20 ന് ബംഗ്ലാദേശിനെതിരെ ദുബായില്‍ വെച്ച് ടീം ചാമ്പ്യന്‍സ് ട്രോഫി ക്യാമ്പയിന്‍ ആരംഭിക്കും.
