ഡല്‍ഹിയിലെ കശാപ്പുകാരന്‍ എന്നറിയപ്പെടുന്ന 18 പേരെ കൊലപ്പെടുത്തിയ ബീഹാറില്‍ നിന്നുള്ള പരമ്പര കൊലയാളി ചന്ദര്‍കാന്ത് ഝായെക്കുറിച്ച് കേട്ടിട്ടുണ്ടോ? ഇന്ത്യ കണ്ട ഏറ്റവും വലിയ സീരിയല്‍ കില്ലര്‍മാരില്‍ ഒരാളായ ഝാ പരോളിലിറങ്ങി മുങ്ങുകയും ശനിയാഴ്ച ക്രൈംബ്രാഞ്ച് ഇയാളെ പിടികൂടുകയും ചെയ്തു. 2023ല്‍ പരോള്‍ കിട്ടിയശേഷം ഒളിച്ചോടിയ സീരിയല്‍ കില്ലര്‍ മൂന്ന് കൊലപാതക കേസുകളില്‍ ജീവപര്യന്തം തടവ് അനുഭവിച്ചു വരുന്നതിനിടയിലായിരുന്നു പരോളില്‍ ഇറങ്ങി മുങ്ങിയത്.
2023ല്‍ പരോള്‍ കിട്ടിയശേഷം ഒളിച്ചോടിയ ‘ഡല്‍ഹിയിലെ കശാപ്പ്’ എന്നറിയപ്പെടുന്ന സീരിയല്‍ കില്ലര്‍ മൂന്ന് കൊലപാതക കേസുകളില്‍ ജീവപര്യന്തം തടവ് അനുഭവിക്കുകയാണ്. ഔട്ടര്‍ നോര്‍ത്ത് ഡല്‍ഹിയിലെ അലിപൂര്‍ നിവാസിയായ ഇയാള്‍ 2006-07ല്‍ ആളുകളെ കൊലപ്പെടുത്തുകയും പിന്നീട് അവരുടെ ശരീരഭാഗങ്ങള്‍ വെട്ടിമുറിച്ച് സെന്‍ട്രല്‍ തിഹാര്‍ ജയിലിന് പുറത്തേക്ക് വലിച്ചെറിയുകയും ചെയ്തു. അവരുടെ ശരീരഭാഗങ്ങള്‍ ഡല്‍ഹിക്ക് ചുറ്റും പലയിടങ്ങളിലായി വിതറുകയും ചെയ്തു.
വര്‍ഷം 1998, ഇന്ത്യന്‍ സംസ്ഥാനമായ ബിഹാറില്‍ നിന്നുള്ള 31 കാരനായ ചന്ദര്‍കാന്ത് ഝാ ഡല്‍ഹിയില്‍ ഒരാളെ കൊലപ്പെടുത്തിയതിന് അറസ്റ്റിലായി. 2002 വരെ ജയിലില്‍ കിടന്ന അദ്ദേഹം പിന്നീട് തെളിവുകളുടെ അഭാവത്തില്‍ പുറത്തിറങ്ങി. റിലീസിന് തൊട്ടുപിന്നാലെ, അദ്ദേഹം ഡല്‍ഹിയില്‍ ആളുകളെ കൊലപ്പെടുത്തുന്ന ഒരു പരമ്പര ആരംഭിച്ചു. 2002 ആയപ്പോഴേക്കും അദ്ദേഹം പടിഞ്ഞാറന്‍ ഡല്‍ഹി യില്‍ 18 പേരെ കൊന്നു. 2003-ല്‍ ശേഖറും ഉമേഷും, 2005-ല്‍ ഗുഡ്ഡുവും, 2006-ല്‍ അമിതും, 2007-ല്‍ ഉപേന്ദറും ദലിപ്പും ഇരകളില്‍ ഉള്‍പ്പെടുന്നു. ഇരകളില്‍ ഭൂരിഭാഗവും ബീഹാര്‍, ഉത്തര്‍പ്രദേശ് എന്നിവിടങ്ങളില്‍ നിന്നുള്ള തൊഴിലാളികളായിരുന്നു.
ആള്‍ക്കാരുമായി ചെറിയ തര്‍ക്കങ്ങളില്‍, ഝാ അവരുമായി വഴക്കിടുകയും കഴുത്ത് ഞെരിച്ച് കൊലപ്പെടുത്തുകയും ചെയ്തു. കേസ് ഡല്‍ഹിയിലെ ജനങ്ങളെ നടുക്കി. 2013 ഫെബ്രുവരിയില്‍ അദ്ദേഹത്തെ വധശിക്ഷയ്ക്ക് വിധിച്ചു. 2016 ജനുവരിയില്‍ ശിക്ഷ ജീവപര്യന്തമാക്കി മാറ്റി. 90 ദിവസത്തെ പരോളിലായിരുന്ന അദ്ദേഹം 2023 ഒക്ടോബറില്‍ ജയിലിലേക്ക് മടങ്ങേണ്ടതായിരുന്നു. പക്ഷേ, മുങ്ങിക്കളഞ്ഞു. എന്നാല്‍ മാസങ്ങള്‍ നീണ്ട തിരച്ചിലിനൊടുവില്‍ വെള്ളിയാഴ്ച ഡല്‍ഹി പോലീസ് ഇയാളെ പിടികൂടി.
