അസാധാരണമായ ഒരു യുദ്ധത്തിന്റെ കഥ പറഞ്ഞ് ലോകം മുഴുവനുമുള്ള തീയേറ്ററുകളെ ഇളക്കിമറിച്ച 2006 ആക്ഷന്‍ മൂവി ‘300’ ന്റെ ചിത്രീകരണവേളയില്‍ എല്ലാദിവസവും തനിക്കോ താന്‍ മൂലം മറ്റാര്‍ക്കെങ്കിലുമോ സെറ്റില്‍ പരിക്കേല്‍ക്കുന്നത് പതിവായിരുന്നെന്ന് നടന്‍ ജറാര്‍ഡ് ബട്‌ലര്‍. സാക്ക് സ്‌നൈഡര്‍ സഹ എഴുത്തുകാരനും സംവിധായകനുമായി മാറിയ ജറാര്‍ഡ് സിനിമയില്‍ ആര്‍ക്കെങ്കിലുമൊക്കെ തന്നില്‍ നിന്നും പരിക്കേറ്റുകൊണ്ടിരുന്നതായും താരം പറഞ്ഞു.
”എല്ലാ ദിവസവും ആരെങ്കിലുമൊക്കെ ആശുപത്രിയിലാകുന്നത് ഞാന്‍ ഓര്‍ക്കുന്നു. നിങ്ങള്‍ ഫൈറ്റ് ചെയ്ത് തിരിഞ്ഞുവരുമ്പോള്‍ ഒരാള്‍ താഴെ വീഴും. ആദ്യ ദിവസം ഒരാളുടെ കണ്ണിന് കുന്തം വീണ് പരിക്കേറ്റു. മറ്റൊരവസരത്തില്‍ ഫൈറ്റ് ചെയ്ത് തിരിഞ്ഞുവരുമ്പോള്‍ മറ്റൊരുവന്റെ കണങ്കാല്‍ ഒടിഞ്ഞു.” 300-ല്‍ തനിക്ക് പരിക്കേറ്റത് എങ്ങനെയെന്ന് നടന്‍ കൃത്യമായി പറയുന്നില്ലെങ്കിലും 2012-ലെ ‘ചേസിംഗ് മാവെറിക്‌സ്’ സിനിമ ചെയ്യുമ്പോള്‍ സര്‍ഫ് ചെയ്യാന്‍ പഠിച്ചിട്ടും ‘ഏതാണ്ട് മുങ്ങിമരിക്കുന്ന’ ഘട്ടത്തിലേക്ക് പോയ ഒരവസ്ഥയെക്കുറിച്ചും ബട്ട്ലര്‍ ഓര്‍ക്കുന്നു. .
‘ അവര്‍ക്ക് എന്നെ പുറത്തെടുക്കണം, എന്നെ ആശുപത്രിയില്‍ കൊണ്ടുപോകണം, എനിക്ക് ഡിഫിബ്രിലേറ്റര്‍ നല്‍കണം ‘ താരം അനുസ്മരിച്ചു. ‘ജയിംസ് ബോണ്ട്’ സിനിമയില്‍ തന്നെ പിയേഴ്‌സ് ബ്രോസ്‌നന്‍ നേരെ മതിലിലേക്ക് ഓടിച്ചിട്ടുണ്ടെന്നും ‘കാര്‍ സ്മാഷുകള്‍’ നേരിട്ടിട്ടുണ്ടെന്നും അദ്ദേഹം പറഞ്ഞു. ‘അദ്ദേഹം ബ്രേക്ക് സ്ലാം ചെയ്യേണ്ടതിനാല്‍ ഇത് നിര്‍ത്തേണ്ടതായിരുന്നു. ഞങ്ങള്‍ ഒരു റേഞ്ച് റോവറില്‍ ഫുള്‍ സ്പീഡില്‍ എത്തി ഒരു ഭിത്തിയില്‍ ഇടിച്ചു. അത് എന്റെ കഴുത്തിന് പരിക്കേല്‍പ്പിച്ചു. അത് 300-ന് ശേഷമായിരുന്നു.
‘ഐസ്ലാന്‍ഡിക് കടലില്‍ ഒരു ദിവസം ചിത്രീകരണം ഉണ്ടായിരുന്നു. അവിടെ ഹൈപ്പോഥെര്‍മിയ ഉണ്ടായി, ഒരിക്കല്‍ മോണ്‍ട്രിയലില്‍ ഒരു സിനിമ ചെയ്യുമ്പോള്‍ അമിത ചൂടില്‍ ജോലി ചെയ്യേണ്ടി വന്നു. ‘അവര്‍ ഞങ്ങളുടെ മേല്‍ വെറ്റ്സ്യൂട്ടുകള്‍ ഇട്ടു, പക്ഷേ ഞങ്ങള്‍ക്ക് ഞങ്ങളുടെ മുഴുവന്‍ വേഷവും ധരിക്കേണ്ടി വന്നിരുന്നു. അതാകട്ടെ 110 ഡിഗ്രി ചൂടിലായിരുന്നെന്നും നടന്‍ പറഞ്ഞു. 2007ലെ പി.എസ്. എന്ന സിനിമയില്‍ അഭിനയിച്ച ഹിലാരി സ്വാങ്കുമായി ഐ ലവ് യു എന്ന സിനിമയിലും ആഞ്ജലീന ജോളിയുടെ ‘ലാറ ക്രോഫ്റ്റ്: ടോംബ് റൈഡര്‍ – ദ ക്രാഡില്‍ ഓഫ് ലൈഫ് (2003).’ സിനിമയിലും രണ്ടു പേര്‍ക്കും താന്‍ മൂലം പരിക്കേറ്റു.
” ഹിലാരി സ്വാങ്കിന്റെ തലയില്‍ മുറിവേറ്റു. ഇപ്പോഴും നടിയ്ക്ക് ആ പാടുണ്ട്. ആഞ്ജലീന ജോളിയുടെ മുഖത്ത് വെടിയേല്‍ക്കുകയായിരുന്നു. ഞാന്‍ തലകീഴായി തൂങ്ങിക്കിടന്നു താഴേക്ക് വരുകയായിരുന്നു. എനിക്ക് ഒരു വെടിവെയ്ക്കണമായിരുന്നു. പക്ഷേ ഇത് എവിടെയാണെന്ന് എനിക്ക് നിയന്ത്രണമില്ലായിരുന്നു. കാര്യങ്ങള്‍ കയ്യില്‍ നിന്നും പോയി.”അദ്ദേഹം പറഞ്ഞു. ഒരിക്കല്‍ ഒരു ക്യാമറ റിഗ്ഗ് മുഴുവനും ഹിലാരി സ്വാങ്കിന്റെയും തന്റെയും മേലേക്ക് വീണിട്ടുണ്ടെന്നും നടന്‍ പറഞ്ഞു്
