ജപ്പാനിലെ ജനപ്രിയ കോമിക് സിരീസ് ഡ്രാഗണ്‍ ബോളിന്റെ സംവിധായകന്‍ അകിര തൊറിയാമയുടെ മരണവാര്‍ത്ത ഞെട്ടലോടെയാണ് ലോകം കേട്ടത്. സബ്ഡ്യൂറല്‍ ഹെമറ്റോമ ബാധിച്ച് ചികിത്സയിലായിരുന്ന അകിര. ഈ അവസ്ഥയെപ്പറ്റി അധികം വിവരങ്ങള്‍ അറിയുക. തലച്ചോറിനെ ചുറ്റിപ്പറ്റിയുള്ള ടിഷ്യൂ പാളികള്‍ക്കിടയില്‍ രക്തം ശേഖരിക്കുമ്പോഴാണ് ഇത്തരത്തിലുള്ള അവസ്ഥ ഉണ്ടാകുന്നത്. തലയ്ക്ക് ആഘാതം കാരണമോ അല്ലെങ്കില്‍ ചില മെഡിക്കല്‍ അവസ്ഥകളുടെ ഫലമായോ ഉണ്ടാകാം.
രക്തക്കുഴലുകള്‍ പൊട്ടി തലയോട്ടിക്കുള്ളില്‍ രക്തസ്രാവം ഉണ്ടാകുമ്പോളാണ് ഈ സാഹചര്യം ഉണ്ടാകുന്നത്. രക്തം അടിഞ്ഞുകുടുന്നത് തലച്ചോറില്‍ സമ്മര്‍ദ്ദം ചെലത്തും. ഇത് ന്യൂറോളജിക്കല്‍ പ്രശ്നങ്ങളുണ്ടാക്കുകയും അതിന്റെ സാധാരണ പ്രവര്‍ത്തനത്തെ തടസ്സപ്പെടുത്തുകയും ചെയ്യും. വീഴ്ചകള്‍, വാഹനാപകടങ്ങള്‍, ആക്രമണങ്ങള്‍, സ്പോര്‍ട്സുമായി ബന്ധപ്പെട്ട പരിക്കുകള്‍ എന്നിവയാണ് പൊതുവിലുള്ള കാരണങ്ങള്‍.
സബ്ഡ്യൂറല്‍ ഹെമറ്റോമയുടെ ലക്ഷണങ്ങള്‍ തിരിച്ചറിയുന്നത് അസുഖം പെട്ടെന്ന് കണ്ടുപിടിക്കുന്നതിനും ചികിത്സയ്ക്കും അത്യാവശ്യമാണ്. എന്നാല്‍ രോഗത്തിന്റെ തീവ്രത അനുസരിച്ച് ലക്ഷണങ്ങളില്‍ വ്യത്യാസമുണ്ടാകാം. തലവേദന, ആശയക്കുഴപ്പം , തലക്കറക്കം, ഓക്കാനം, ഛര്‍ദ്ദി ,അപസ്മാരം, മന്ദഗതിയുള്ള സംസാരം പെരുമാറ്റത്തിലോ വ്യക്തിത്വത്തിലോയുള്ള മാറ്റങ്ങളും സബ്ഡ്യുറല്‍ ഹെമറ്റോമയുടെ രോഗലക്ഷണങ്ങളില്‍ പെടും.
രോഗനിര്‍ണ്ണയത്തിലും ചികിത്സയിലും കാലതാമസം നേരിടുന്നത് ശാശ്വതമായ മസ്തിഷ്‌ക ക്ഷതം പോലുള്ള ഗുരുതരമായ സങ്കീര്‍ണതകളിലേക്കോ അല്ലെങ്കില്‍ മരണത്തിലേക്കും നയിക്കും. സബ്ഡ്യുറല്‍ ഹെമറ്റോമകള്‍ കൈകാര്യം ചെയ്യുമ്പോള്‍ പെട്ടെന്നുള്ള വൈദ്യസഹായം ആവശ്യമാണ്. അടിഞ്ഞുകൂടിയ രക്തം നീക്കം ചെയ്യുന്നതിനായും തലച്ചോറിലെ സമ്മര്‍ദ്ദം ഒഴിവാക്കാനും ശസ്ത്രക്രിയയും ചികിത്സയില്‍ ഉള്‍പ്പെട്ടേക്കാം. തലവേദനയാണ് സബ്ഡ്യൂറല്‍ ഹെമറ്റോമയുടെ ലക്ഷണങ്ങളില്‍ ഒന്ന്. തലവേദന കാലം കഴിയുമ്പോള്‍ വഷളാകാം. തലക്കറക്കം, ആശയക്കുഴപ്പം. എന്നിവയെല്ലാം സാധാരണ ലക്ഷണങ്ങളാണ്. ശ്രദ്ധ വേണം. ഇത്തരം അപകടങ്ങളില്‍നിന്നും രക്ഷ നേടണമെങ്കില്‍ ദൈനംദിന ജീവിതത്തില്‍ സ്വയസുരക്ഷയ്ക്കു മുന്‍ഗണന നല്‍കേണ്ടത് അത്യാവശ്യമാണ്.
