പ്രധാനമന്ത്രിക്കും മുന്‍ പ്രധാനമന്ത്രിമാര്‍ക്കും അവരുടെ അടുത്ത കുടുംബാംഗങ്ങള്‍ക്കും അടുത്ത സംരക്ഷണം നല്‍കുന്നതിന് പേരുകേട്ടതാണ് 1985ല്‍ സ്ഥാപിതമായ എസ്പിജി. എന്നാല്‍ അതിന് നേതൃത്വം നല്‍കി വന്നിരുന്നത് മിക്കവാറും പുരുഷന്മാരാണ്. എന്നാല്‍ ബിജെപി എംപിയും നടിയും രാഷ്ട്രീയക്കാരിയുമായ കങ്കണാ റാണത്ത് അടുത്തിടെ ഇന്‍സ്റ്റാഗ്രാമില്‍ ഒരു പോസ്റ്റിട്ടത് വൈറലായിരിക്കുകയാണ്.
പ്രധാനമന്ത്രി നരേന്ദ്ര മോദിക്കും കേന്ദ്രമന്ത്രി കിരണ്‍ റിജിജുവിനും പിന്നില്‍ ഒരു വനിതാ കമാന്‍ഡോ നടക്കുന്നതിന്റെ ഫോട്ടോയാണ് നടി ഇന്‍സ്റ്റാഗ്രാമില്‍ പോസ്റ്റ് ചെയ്തത്. ‘ലേഡി എസ്പിജി’ എന്ന് അടിക്കുറിപ്പും ഇട്ടു. ചിത്രം വൈറലായതോടെ സ്ത്രീ ശാക്തീകരണത്തെക്കുറിച്ചും എലൈറ്റ് സുരക്ഷാ സേനയില്‍ അവരുടെ വര്‍ദ്ധിച്ചുവരുന്ന പ്രാതിനിധ്യത്തെക്കുറിച്ചുമുള്ള ചര്‍ച്ചകള്‍ പൊടിപൊടിക്കുകയാണ്.
യുവതിയുടെ കൂടുതല്‍ വിവരങ്ങള്‍ ഉണ്ടായിരുന്നില്ല. എന്ത് റോളാണ് യുവതി നിര്‍വ്വഹിക്കുന്നതെന്നോ, ഏത് വിഭാഗത്തില്‍ നിന്നുമാണ് വന്നതെന്നോ ഉള്‍പ്പെടെയുള്ള വിവരങ്ങള്‍ വെളിപ്പെടുത്തിയിട്ടില്ല. സ്ത്രീ പ്രധാനമന്ത്രിയുടെ സുരക്ഷാ ചുമതലയുള്ള എലൈറ്റ് ഫോഴ്‌സായ സ്‌പെഷ്യല്‍ പ്രൊട്ടക്ഷന്‍ ഗ്രൂപ്പിലെ (എസ്പിജി) അംഗമാകുമെന്ന് സോഷ്യല്‍ മീഡിയ ഉപയോക്താക്കള്‍ ഊഹിക്കാനിടയായി.
സാധാരണഗതിയില്‍ എസ്പിജി ഉദ്യോഗസ്ഥര്‍ അവരുടെ നേതൃത്വം, പ്രൊഫഷണലിസം, സുരക്ഷാ പ്രോട്ടോക്കോളുകളിലെ നൂതന പരിശീലനം എന്നിവയ്ക്ക് പേരുകേട്ടവരാണ്, തടസ്സങ്ങളില്ലാത്ത സുരക്ഷാ ക്രമീകരണങ്ങള്‍ ഉറപ്പാക്കുന്നതിന് പലപ്പോഴും ഇന്റലിജന്‍സ് ബ്യൂറോ (ഐബി), സംസ്ഥാന പോലീസ് സേന എന്നിവയുമായി സഹകരിക്കുന്നു. സമീപ വര്‍ഷങ്ങളില്‍, വനിതാ ഉദ്യോഗസ്ഥര്‍ വ്യോമ പ്രതിരോധം, സിഗ്നലുകള്‍, ഓര്‍ഡനന്‍സ്, ഇന്റലിജന്‍സ്, എഞ്ചിനീയറിംഗ്, സര്‍വീസ് കോര്‍പ്സ് തുടങ്ങിയ യൂണിറ്റുകളിലുടനീളം കമാന്‍ഡിംഗ് റോളുകള്‍ ഏറ്റെടുത്തിട്ടുണ്ട്.
