നമുക്ക് എന്തൊക്കെ രോഗങ്ങള് ഉണ്ടെന്ന് ശരീരം തന്നെ നമുക്കു സൂചനകള് തരാറുണ്ട്. അവ ശ്രദ്ധിയ്ക്കുകയാണെങ്കില് ഒരുപരിധി വരെ രോഗങ്ങളെ നമുക്ക് നിയന്ത്രിക്കാന് സാധിയ്ക്കും. അത്തരത്തില് ശരീരം നമുക്ക് തരുന്ന ചില മുന്നറിയിപ്പുകളെ കുറിച്ച് മനസിലാക്കാം…..
ഉത്കണ്ഠ – ഉത്കണ്ഠ അധികരിക്കുമ്പോള് ഇതിന്റെ ഭാഗമായി വയറുവേദന അനുഭവപ്പെടാം. ചിലര്ക്ക് എപ്പോഴും ഉത്കണ്ഠയുണ്ടാകാം. അങ്ങനെയുള്ളവരില് വയറുവേദനയും ഓക്കാനവും പതിവാകാം.
തലവേദന – ഒരുപാട് ഉത്തരവാദിത്തങ്ങളോ സമ്മര്ദ്ദങ്ങളോ നിങ്ങളെ അലട്ടുന്നുവെങ്കില് ഇതിന്റെ ഭാഗമായി തലവേദനയുണ്ടാകാം. തലവേദന എല്ലായ്പോഴും ഇങ്ങനെ വരുന്നത് തന്നെ ആകണമെന്നില്ല, എങ്കിലും ഇക്കാര്യം ശ്രദ്ധിക്കാവുന്നതാണ്.
അസ്വസ്ഥത – ചിലര്ക്ക് പെട്ടെന്ന് ആളുകളുമായി ഒത്തുപോകാന് സാധിക്കാതെ വരാം. ഒരുമിച്ച് മുറി പങ്കിടാനും മറ്റുമെല്ലാം ഇത്തരത്തില് ബുദ്ധിമുട്ടുന്നവരുണ്ട്. മറ്റുള്ളവരുടെ സാന്നിധ്യത്തില് ഈ രീതിയില് അസ്വസ്ഥത അനുഭവിക്കുമ്പോള് ഇരുകൈകളും കെട്ടി നില്ക്കാന് സാധ്യതയുണ്ട്. സ്വയം സുരക്ഷതരാകാന് ശരീരം ശ്രമിക്കുന്നതിന്റെ ഭാഗമായാണിത്.
വിശ്രമം – നമ്മുടെ ശരീരത്തിന്റെയും മനസിന്റെയും ആരോഗ്യത്തിന് വിശ്രമം ആവശ്യമാണ്. എന്നാല് വേണ്ടത്ര വിശ്രമം കിട്ടിയിട്ടില്ല എങ്കില് തളര്ച്ചയോ ക്ഷീണമോ ഒഴികെ വേറെയും ചില സൂചനകള് ശരീരം കാണിക്കും. അതില് പ്രധാനമാണ് തോള് വേദന. തോളില് പേശികളിലായാണ് ഇത്തരത്തില് വേദന അനുഭവപ്പെടുക.
