“രാവിലെ എനിക്ക് എന്റെ ചായ കിട്ടിയില്ല, അതുകൊണ്ട് ഭയങ്കര തലവേദന.” നിങ്ങൾ ഈ വാചകം ആരിൽനിന്നൊക്കെ കേട്ടിണ്ടുണ്ടാവും?. എല്ലാ ഇന്ത്യൻ വീടുകളിലും ഒരു പ്രധാന പാനീയമാണ് ചായ. ദൈനംദിന ശീലമായിക്കഴിഞ്ഞ ചായയില്ലാത്ത ഒരു ദിവസം ചിന്തിക്കാന്‍പോലുമാവില്ല. സമയത്ത് ചായ കിട്ടിയില്ലെങ്കില്‍ അപ്പോള്‍ തന്നെ തുടങ്ങും തലവേദന.
എന്നാൽ ചായയ്ക്ക് തലവേദനയുമായി എന്തെങ്കിലും ബന്ധമുണ്ടോ? വിദഗ്ധരുടെ അഭിപ്രായത്തിൽ, ചായ നിങ്ങളുടെ തലവേദനയെ നേരിട്ട് കുറയ്ക്കുകയോ കൂട്ടുകയോ ചെയ്യില്ല. വിദഗ്ധര്‍ പറയുന്നു, “തലവേദനയും ചായയുടെ ഉപഭോഗവും തമ്മിൽ നേരിട്ട് തെളിവുകളൊന്നുമില്ലെങ്കിലും, നിർജ്ജലീകരണം തലവേദനയ്ക്ക് കാരണമാകുമെന്നതിനാൽ ചായയില്‍നിന്നു ലഭിക്കുന്ന ജലാംശം തലവേദന കുറയ്ക്കാന്‍ സഹായിക്കാം. ചായയ്ക്ക് മൂക്കിലെ സൈനസുകൾ കുറയ്ക്കാനും സൈനസൈറ്റിസ് മൂലമുണ്ടാകുന്ന തലവേദനയിൽ നിന്ന് ആശ്വാസം നൽകാനും കഴിയും
ചായയ്ക്ക് നിങ്ങളുടെ തലവേദന കുറയ്ക്കാനുള്ള മറ്റൊരു കാരണം, അതിലെ ബ്ലാക്ക് ടീയില്‍ അടങ്ങിയിരിക്കുന്ന കഫീനാണ്. കഫീന് രക്തക്കുഴലുകളെ സങ്കോചിപ്പിക്കാൻ കഴിയും, ഇത് തലവേദനയുടെ ലക്ഷണങ്ങൾ കുറയ്ക്കും, ചായയ്ക്ക് തലവേദനയെ കുറയ്ക്കാനാകും, എന്നാൽ അതിന്റെ ഫലപ്രാപ്തി ഓരോ വ്യക്തിക്കും വ്യത്യാസപ്പെട്ടിരിക്കും. ചായയ്ക്ക് ഈ ഗുണം ഉണ്ടാകുന്നത് എന്തുകൊണ്ടാണെന്ന് വിദഗ്ധർ അനുമാനിക്കുന്ന ചില കാരണങ്ങൾ ഇതാ:
ജലാംശം
നിർജ്ജലീകരണം മൂലം തലവേദന ഉണ്ടാകാം എന്നതിനാൽ ചായയില്‍നിന്ന് ലഭിക്കുന്ന ജലാംശം ഗുണം ചെയ്യും.
സുഗന്ധവ്യഞ്ജനങ്ങൾ
തലവേദന മാറ്റാൻ ചായ സഹായിക്കുന്നതിനുള്ള ഒരു കാരണം അതിലെ ചേരുവകളാണ്. ചായയിൽ സാധാരണയായി ഉപയോഗിക്കുന്ന ഇഞ്ചി, ഏലം, കറുവപ്പട്ട തുടങ്ങിയ സുഗന്ധവ്യഞ്ജനങ്ങൾക്ക് വേദനയും അസ്വസ്ഥതയും കുറയ്ക്കാൻ കഴിയുന്ന ഗുണങ്ങളുണ്ട്. ഉദാഹരണത്തിന്, മൈഗ്രെയ്ൻ രോഗികളെ ചികിത്സിക്കുന്നതിൽ ഇഞ്ചി ഫലപ്രദമാണെന്ന് 2020 ലെ ഒരു പഠനത്തില്‍ കണ്ടെത്തിയിട്ടുണ്ട്.
അരോമാതെറാപ്പി
സുഗന്ധം നിങ്ങളുടെ തലവേദനയെ സുഖപ്പെടുത്തുമെന്ന് തെളിയിക്കാൻ മതിയായ ശാസ്ത്രീയ തെളിവുകൾ ഇല്ലെങ്കിലും, ചില വിദഗ്ധർ വിശ്വസിക്കുന്നത് ചായയിലെ സുഗന്ധദ്രവ്യങ്ങൾക്ക് സാവധാനത്തില്‍ ഫലമുണ്ടാക്കാനാകുമെന്നും ഇത് മാസികസമ്മർദ്ദവുമായി ബന്ധപ്പെട്ട തലവേദന കുറയ്ക്കാൻ സഹായിക്കുന്നുവെന്നുമാണ്.
ഇതൊക്കെയാണെങ്കിലും ചായ തലവേദനയെ കുറയ്ക്കുമെന്നതിന് ശാസ്ത്രീയമായ മതിയായ തെളിവുകൾ ഇല്ലെന്ന് വിദഗ്ധർ വിശ്വസിക്കുന്നു. നേരെമറിച്ച്, ചില വിദഗ്ദർ കരുതുന്നത് അമിതമായ അളവില്‍ ചായയും കാപ്പിയും കഴിക്കുന്നത് തലവേദനയ്ക്ക് കാരണമായേക്കാമെന്നാണ്. കാരണം ചായ കൃത്യമായ ഇടവേളകളിൽ കഴിയ്ക്കുമ്പോൾ അവ തലച്ചോറിലെ രക്തക്കുഴലുകളെ സങ്കോചിപ്പിക്കുന്നു. ഈ ക്രമം തെറ്റുമ്പോള്‍ അതായത് അടുപ്പിച്ച് ചായ കഴിക്കുമ്പോൾ, അല്ലെങ്കില്‍ ഒരു നീണ്ട ഇടവേളയ്ക്കുശേഷം കഴിക്കുമ്പോള്‍ നൽകുമ്പോൾ, അത് രക്തക്കുഴലുകളില്‍ വികാസം ഉണ്ടാക്കുകയും തലവേദന ഉണ്ടാക്കുകയും ചെയ്യും. ചായയ്ക്ക് ഉത്കണ്ഠ, ഗ്യാസ്ട്രൈറ്റിസ്, അസ്വസ്ഥത, നേരിയതോ ഗുരുതരമായ തലവേദന, ഉറക്കക്കുറവ് തുടങ്ങിയ പാർശ്വഫലങ്ങളും കാണപ്പെടുന്നു.
ചായ കുടിക്കാൻ പറ്റിയ സമയം ഏതാണ്?
ഐസിഎംആർ പുറത്തിറക്കിയ മാർഗ്ഗനിർദ്ദേശങ്ങളിൽ, ഭക്ഷണത്തിന് മുമ്പും ശേഷവും കുറഞ്ഞത് ഒരു മണിക്കൂറെങ്കിലും ചായയും കാപ്പിയും കഴിക്കുന്നത് ഒഴിവാക്കണമെന്ന് പറയുന്നു. കാരണം ചായയിൽ അടങ്ങിയിരിക്കുന്ന ടാനിൻ എന്ന ഉത്തേജകം ശരീരത്തിൽ ഇരുമ്പ് ആഗിരണം ചെയ്യുന്നതിനെ തടസ്സപ്പെടുത്തും. ഇരുമ്പിന്റെ അളവ് കുറയുന്നത് അനീമിയ പോലുള്ള അവസ്ഥകൾക്കും കാരണമാകും.
ചായ ഉറക്കസമയത്തിനു മുമ്പും കഴിക്കാൻ പാടില്ല, കാരണം അവ ഉറക്കമില്ലായ്മയ്ക്കും പിറ്റേന്ന് രാവിലെ തലവേദനയ്ക്കും കാരണമാകും. അതിനാൽ, ആവശ്യത്തിന് വെള്ളം കുടിക്കാത്തത് മുതൽ ഹോർമോൺ വ്യതിയാനങ്ങൾ വരെ വിവിധ ഘടകങ്ങളാൽ സംഭവിക്കാവുന്ന നിങ്ങളുടെ തലവേദനയ്ക്ക് ഒരു ചൂടുള്ള ചായ ഒരു പരിഹാരമാകുമെന്ന് പ്രതീക്ഷിക്കരുത്.
