ബോളിവുഡ് സിനിമയില്‍ ഏറ്റവും കൂടുതല്‍ പ്രതിഫലം വാങ്ങുന്നത് ആരാണ്? ഏറ്റവും പുതിയ റിപ്പോര്‍ട്ടുകളനുസരിച്ച് ദീപിക പദുക്കോണാണ് ഇക്കാര്യത്തില്‍ മുമ്പിലെന്നാണ് കണക്കുകള്‍. ഒരു സിനിമയ്ക്ക് പ്രതിഫലമായി 15–20 കോടി രൂപവരെയാണ് ദീപിക വാങ്ങുന്നതെന്നാണ് അറിയുന്നത്. 2023 മുതല്‍ ദീപികയുടെ എല്ലാ സിനിമകളും ബോക്സ് ഓഫിസ് ഹിറ്റുകളാണ്. അവസാനമായി പുറത്തിറങ്ങിയ കല്‍ക്കി സൂപ്പര്‍ഹിറ്റാവുകയും റെക്കോര്‍ഡ് കലക്ഷന്‍ നേടുകയും ചെയ്തു. 2023 ല്‍ പുറത്തിറങ്ങിയ പത്താനും ജവാനും ദീപികയുടെ സൂപ്പര്‍ഹിറ്റുകളായിരുന്നു. സിംഗമാണ് ഇനി താരത്തിന്റേതായി പുറത്തുവരാനുള്ള സിനിമ.
പ്രതിഫലം വാങ്ങുന്ന കാര്യത്തില്‍ ദീപികയ്ക്ക് തൊട്ടുപിന്നില്‍ ആലിയ ഭട്ടാണ്. 15 കോടിയാണ് ആലിയ ഒരു സിനിമയ്ക്ക് പ്രതിഫലമായി വാങ്ങുന്നത്. ഗംഗുഭായും ഡാര്‍ലിങ്സും ആലിയുടെ കരിയര്‍ ഗ്രാഫ് ഉയര്‍ത്തിയത്. പ്രത്യേകിച്ചും സ്ത്രീ കേന്ദ്രീകൃത കഥാപാത്രങ്ങള്‍. ബ്രഹ്മാസ്ത്ര, റോക്കി ഔര്‍ റാണി കി പ്രേം കഹാനി എന്നിവയും ബ്ളോക്ക് ബസ്റ്റര്‍ ചിത്രങ്ങളായി. ജിഗ്ര, ലൗ ആന്‍റ് വാര്‍, ആല്‍ഫ എന്നിവയാണ് ആലിയയുടേതായി പുറത്തിറങ്ങാനുള്ളത്.
മൂന്നാംസ്ഥാനത്ത കരീന കപൂറാണ്. 8 മുതല്‍ 11 കോടി വരെയാണ് കരീനയുടെ പ്രതിഫലം. ക്രൂവും ജാനേ ജാനുമാണ് കരീനയെ തിരക്കേറിയ താരമാക്കി മാറ്റലയത്. ബക്കിങ്ഹാം മര്‍ഡേഴ്സ്, സിംഗം എന്നിവയാണ് കരീനയുടെ റിലീസ് കാത്തിരിക്കുന്ന ചിത്രങ്ങള്‍. 8–10 കോടി രൂപവരെയാണ് കത്രീന കൈഫും ശ്രദ്ധ കപൂറും ഓരോ സിനിമയ്ക്കും പ്രതിഫലം വാങ്ങുന്നത്. കൃതിസനം, കിയാര അദ്വാനി, കങ്കണ, താപ്സീ പന്നു എന്നിവരാണ് പട്ടികയിലെ മറ്റ് താരങ്ങള്‍.
