വിവാഹമോചനത്തെക്കുറിച്ച് സംസാരിക്കുന്ന ഒരു പോസ്റ്റ് ലൈക്ക് ചെയ്തതിന് പിന്നാലെ അഭിഷേക് ബച്ചന്‍ പാപ്പരാസികുടെ റഡാറില്‍. ‘വിവാഹമോചനം എളുപ്പമല്ലെന്നും പ്രണയം നഷ്ടപ്പെടുന്നതിനെക്കുറിച്ചും പറഞ്ഞ ഒരു പോസ്റ്റ് അഭിഷേക് ലൈക്ക് ചെയ്തത് നിമിഷങ്ങള്‍ക്കകം ആരാധകര്‍ പിടിച്ചെടുത്തു. ഐശ്വര്യ റായുമായുള്ള വിവാഹമോചനത്തിന്റെ സൂചനയായിരുന്നോ അതെന്നായിരുന്നു പലരുടേയും സംശയം.
സോഷ്യല്‍ മീഡിയ ഉപയോക്താക്കള്‍ തൊട്ടുപിന്നാലെ അനന്ത് അംബാനിയുടെയും രാധിക മര്‍ച്ചന്റിന്റെയും വിവാഹത്തില്‍ ഐശ്വര്യ റായ് ഒറ്റയ്ക്ക് പ്രത്യക്ഷപ്പെട്ടതിനെയും മാധ്യമങ്ങള്‍ കൂട്ടിവായിച്ചിരുന്നു.
എഴുത്തുകാരിയും ജേര്‍ണലിസ്റ്റുമായ ഹീന ഖണ്ഡേല്‍വാള്‍ പങ്കിട്ട പോസ്റ്റില്‍, സ്നേഹക്കാന്‍ എളുപ്പമല്ലാതാകുമ്പോൾ ദീര്‍ഘകാല ദമ്പതികൾ ഇപ്പോൾ വേർപിരിയുകയാണ്. എന്താണ് അവരെ ആ തീരുമാനത്തിന് പ്രേരിപ്പിച്ചത്, എന്തുകൊണ്ടാണ് വിവാഹമോചനങ്ങൾ വർദ്ധിച്ചുകൊണ്ടിരിക്കുന്നത്? വർദ്ധിച്ചുവരുന്ന വിവാഹമോചനക്കേസുകളെക്കുറിച്ചുള്ള ലേഖനത്തെക്കുറിച്ചുള്ള അടിക്കുറിപ്പോടെയാണ് ചിത്രം പങ്കുവെച്ചിരിക്കുന്നത്..
പോസ്റ്റ് ലൈക്ക് ചെയ്ത നിരവധി പേരില്‍ അഭിഷേക് ഉള്‍പ്പെട്ടത് പലരുടേയും പുരികം ഉയര്‍ത്തി. ഇതിന്റെ ഒരു സ്‌ക്രീന്‍ഷോട്ട് റെഡ്ഡിറ്റില്‍ ഷെയര്‍ ചെയ്യുകയും ചെയ്തു. ബച്ചന്‍ കുടുംബാംഗങ്ങളില്ലാതെയാണ് ആഷ് അംബാനി വിവാഹത്തിലേക്ക് എത്തിയത്. അമിതാഭ് ബച്ചന്‍, ജയാ ബച്ചന്‍, ശ്വേത ബച്ചന്‍ എന്നിവര്‍ക്കൊപ്പം അഭിഷേക് ക്യാമറയ്ക്ക് പോസ് ചെയ്തതിന് തൊട്ടുപിന്നാലെയാണ് മകള്‍ ആരാധ്യയെ കണ്ടത്.
എന്നിരുന്നാലും, വിവാഹ വേദിക്കുള്ളില്‍ നിന്നുള്ള വീഡിയോകളിലും ഫോട്ടോകളിലും, ഐശ്വര്യയും ആരാധ്യയും അഭിഷേകിനൊപ്പം വീണ്ടും ഒന്നിച്ചതായും വിവാഹത്തില്‍ ഒരുമിച്ച് പങ്കെടുത്തതായും വെളിപ്പെടുത്തി. ഇരുവരുടേയും വിവാഹം കഴിഞ്ഞിട്ട് 17 വര്‍ഷമായി.
