പാന്‍ ഇന്ത്യന്‍ നടനായി മാറിയ ദുല്‍ക്കര്‍ സല്‍മാനെ കുറേനാളായി മലയാളത്തിലേക്ക് കാണുന്നേയില്ല. എന്തായാലും അന്യഭാഷയില്‍ ബിസിയായിരിക്കുന്ന നടന്‍ പുതിയതായി ബാഹുബലിതാരം റാണ ദഗ്ഗുബാട്ടിയുടെ സിനിമയില്‍ അഭിനയിക്കാനൊരുങ്ങുന്നു എന്നതാണ് ഏറ്റവും പുതിയ വിവരം. സിനിമയിലെ തെലുങ്കിലെ തിരക്കേറിയ പുതിയ നടി കൃതിഷെട്ടി നായികയാകുമെന്നാണ് കേള്‍ക്കുന്നത്.
സിനിമ പ്രീപ്രൊഡക്ഷന്‍ ജോലിയിലാണെന്നും ഉടന്‍തന്നെ പ്രഖ്യാപനം നടന്നേക്കുമെന്നുമാണ് വിവരം. ഇതാദ്യമായിട്ടാണ് കൃതിയും ദുല്‍ഖറും ഒരുമിക്കുന്നത്. താന്‍ അഭിനയിച്ചില്ലെങ്കിലും മികച്ച കണ്ടന്റുകള്‍ ഏറ്റെടുക്കുന്ന കാര്യത്തില്‍ ദഗ്ഗുബാട്ടി മുമ്പും മുന്നിലുള്ളയാളാണ്.
നേരത്തേ കെയര്‍ ഓഫ് കഞ്ചരപാലം പോലെയുള്ള സിനിമകള്‍ നിര്‍മ്മിച്ചിട്ടുള്ള റാണ് പുതിയതായി വരാനിരിക്കുന്ന 35 എന്ന സിനിമയ്ക്ക് പിന്നിലും പ്രവര്‍ത്തിക്കുന്നു. 2021 ല്‍ വന്‍ഹിറ്റായ ഉപ്പേന, ശ്യാം സിഘറോയ്, ബംഗാരരാജു തുടങ്ങിയ വമ്പന്‍ഹിറ്റുകളിലെ നായികയായ കൃതിക്ക് തെലുങ്കില്‍ തിരക്കേറുന്നുണ്ട്. ഇപ്പോള്‍ നടി മിക്കവാറും യുവാക്കളുടെ സിനിമകളാണ് കൂടുതലായും തെരഞ്ഞെടുക്കുന്നത്.
തമിഴിലും ഒട്ടേറെ സിനിമകളില്‍ കരാറായിരിക്കുന്ന താരത്തിന്റേതായി രണ്ടു സിനിമകളാണ് ഒരുങ്ങുന്നത്. അതിന് പുറമേ മലയാളത്തിലും താരം കാല്‍വെയ്ക്കാനൊരുങ്ങുകയാണ്. ദുല്‍ഖറിനൊപ്പം അഭിനയിക്കാന്‍ ആകാംഷയിലാണ് താരം.
