ലോകത്തുടനീളമുള്ള മനുഷ്യരുടെ വിസ്മയവും കൗതുകവുമൊക്കെയായ എവറസ്റ്റ് കൊടുമുടിയുടെ ബേസ് ക്യാമ്പില് നിന്ന് അതിന്റെ കൊടുമുടിയിലേക്കുള്ള യാത്രയുടെ ആകാശ വീഡിയോ വൈറലാകുന്നു. ഡിജെഐ മാവിക് 3 എന്ന ഒരു ചൈനീസ് ഡ്രോണ് റെക്കോര്ഡുചെയ്ത 5,300 മീറ്റര് ഉയരത്തിലുള്ള ബേസ് ക്യാമ്പില് നിന്നുള്ള നാല് മിനിറ്റ് ദൈര്ഘ്യമുള്ള ദൃശ്യങ്ങള് വിസ്മയമാണ്.
ഡ്രോണ്, വലിയ വേഗതയില്, 6,000 മീറ്ററിലെ ആദ്യത്തെ ക്യാമ്പ് സൈറ്റിലേക്കുള്ള യാത്ര രേഖപ്പെടുത്തുമ്പോള് ഖുംബു ഹിമപാതത്തിന്റെയും ചുറ്റുമുള്ള ഹിമാനികളുടെ അതിമനോഹരമായ കാഴ്ചകള് നിറയുന്നു. പര്വതാരോഹകര് പര്വതത്തിന്റെ ചരിവിലൂടെ മുകളിലേക്ക് അല്ലെങ്കില് താഴേക്ക് നടക്കുന്നതായി കാണാം. ഡ്രോണ് പുറത്തേക്ക് നീങ്ങി ബേസ് ക്യാമ്പിലേക്ക് പോകുന്ന വളഞ്ഞ പാത കാണിക്കുന്നു.
ലാന്ഡ്സ്കേപ്പിലുടനീളം ചിതറിക്കിടക്കുന്ന വര്ണ്ണാഭമായ ടെന്റുകളാല് മൂടപ്പെട്ടിരിക്കുന്ന ബേസ് ക്യാമ്പിലെ ടെന്റ് സിറ്റിയും ഡ്രോണ് പിടിച്ചെടുക്കുന്നു. മുമ്പോട്ട് നീങ്ങുമ്പോള് പര്വതാരോഹകരെയും കുങ്കുമ നിറത്തിലുള്ള അവരുടെ ക്യാമ്പും കാണാം. വൈറലായ വീഡിയോയ്ക്ക് ഉപയോക്താക്കളില് നിന്ന് നിരവധി കമന്റുകള് ലഭിച്ചു. സമുദ്രനിരപ്പില് നിന്ന് 8,848 മീറ്റര് (29,029 അടി) ഉയരത്തില് സ്ഥിതി ചെയ്യുന്ന എവറസ്റ്റ് കൊടുമുടിയാണ് ഭൂമിയിലെ ഏറ്റവും ഉയരം കൂടിയ പര്വ്വതം.
നേപ്പാളിനും ചൈനയിലെ ടിബറ്റിനും ഇടയിലുള്ള അതിര്ത്തി ഉള്ക്കൊള്ളുന്ന പര്വതനിരയായ ഹിമാലയത്തിലാണ് ഈ പര്വ്വതം സ്ഥിതി ചെയ്യുന്നത്. ഉയരവും കഠിനമായ കാലാവസ്ഥയും കാരണം ഹിമാലയത്തെ ലോകത്തിലെ ഐതിഹാസികവും വെല്ലുവിളി നിറഞ്ഞതുമായ പര്വതമായിട്ടാണ് പര്വതാരോഹകര് കാണുന്നത്. താപനില മൈനസ് 60 മുതല് മൈനസ് 10 വരെയാണ്, മണിക്കൂറില് 161 കിലോമീറ്ററാണ് മുകളിലെ കാറ്റ്.