പാന്‍-ഇന്ത്യന്‍ താരമായ രാം ചരണ്‍ തേജയ്ക്ക് ഇന്ത്യയിലുടനീളവും വിദേശത്തുപോലും വലിയ ആരാധകരുണ്ട്. ഇന്ത്യന്‍ സിനിമാ രംഗത്തെ പ്രമുഖരായ നിരവധി താരങ്ങളാണ് നടനെ കുറിച്ച് സംസാരിച്ചിട്ടുള്ളത്. എന്നാല്‍ താരത്തിന്റെ ആരാധകനായി മാറിയിരിക്കുകയാണ് ഈ അന്താരാഷ്ട്ര പ്രശസ്തന്‍. യെവാഡു നടനോടുള്ള ആരാധന പ്രകടമാക്കിയിരിക്കുന്നത് പ്രശസ്ത ബാന്‍ഡായ ദി ‘ചെയിന്‍സ്‌മോക്കേഴ്‌സി’ല്‍ നിന്നുള്ള അലക്‌സാണ്ടര്‍ പാല്‍ ആണ്. രാം ചരണുമായി സഹകരിക്കാന്‍ തനിക്ക് താല്‍പ്പര്യമുണ്ടെന്ന് വ്യക്തമാക്കിയിരിക്കുകയാണ്.
അടുത്തിടെ ഒരു യുട്യൂബ് പോഡ്കാസ്റ്റില്‍ പ്രത്യക്ഷപ്പെട്ടപ്പോള്‍ രാം ചരണുമായി സഹകരിക്കാന്‍ ചെയിന്‍സ്‌മോക്കേഴ്‌സ് ആഗ്രഹിക്കുന്നു എന്ന് സംഗീത ജോഡികളായ അലക്‌സാണ്ടര്‍ പാലും ആന്‍ഡ്രൂ ടാഗാര്‍ട്ടും വ്യക്തമാക്കി. ഏത് ഇന്ത്യന്‍ താരവുമായാണ് സഹകരിക്കാനാണ് ആഗ്രഹം എന്ന ചോദ്യത്തിന് അലക്‌സ് രാം ചരണിനെ കുറിച്ച് രസകരമായ ഒരു വിവരണം നല്‍കി. സിനിമയെ പ്രശംസിച്ച താരം അവിശ്വസനീയമാണെന്ന് പറഞ്ഞു. വിമാനത്തില്‍ തന്റെ മുന്നില്‍ ഇരുന്ന ഒരാള്‍ ബോളിവുഡ് സിനിമ കാണുന്നുണ്ടായിരുന്നെന്നും താനും സിനിമ കണ്ടതായും പറഞ്ഞു.
നൃത്തം, രംഗങ്ങള്‍, നിറങ്ങള്‍, നൃത്തസംവിധാനം എന്നിവയാല്‍ താന്‍ ആകര്‍ഷിക്കപ്പെട്ടെന്നും പറഞ്ഞു. ചെയിന്‍സ്മോക്കര്‍മാര്‍ നല്ല ബോളിവുഡ് ആക്ഷന്‍ ചിത്രങ്ങളുടെ ചില ശുപാര്‍ശകളും ആവശ്യപ്പെട്ടു. അതേസമയം ഗെയിം ചേഞ്ചര്‍ എന്ന ശങ്കറിന്റെ പൊളിറ്റിക്കല്‍ ഡ്രാമയില്‍ അഭിനയിക്കാനൊരുങ്ങുകയാണ് രാം ചരണ്‍. ഈ തെലുങ്ക് പൊളിറ്റിക്കല്‍ ആക്ഷന്‍ ഡ്രാമയില്‍ കിയാര അദ്വാനി, അഞ്ജലി, എസ് ജെ സൂര്യ, ജയറാം, ശ്രീകാന്ത്, തുടങ്ങി നിരവധി പേര്‍ പ്രധാന വേഷങ്ങളില്‍ അഭിനയിക്കുന്നു.
അഴിമതി തടയാന്‍ പുറപ്പെടുന്ന ഒരു ഐഎഎസ് ഉദ്യോഗസ്ഥനെ ചുറ്റിപ്പറ്റിയാണ് സിനിമ. രാം ചരണ്‍ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് ഈ ചിത്രം. ഈ ഒരു ചിത്രത്തിന് തുടക്കം മുതല്‍ തന്നെ സിനിമാപ്രേമികള്‍ ആവേശത്തിലാണ്. ഗെയിം ചേഞ്ചര്‍ ഈ വര്‍ഷം സെപ്റ്റംബറിലോ ഒക്ടോബറിലോ തിയേറ്ററുകളില്‍ എത്തുമെന്ന് ഊഹങ്ങള്‍ പറയുന്നു.
