പാട്ടുകാരന്‍ കാനി വെസ്റ്റിന്റെ ഭാര്യയുടേയും മുന്‍ കാമുകിയുടേയും ഫാഷന്‍ സെന്‍സ് ഇന്റര്‍നെറ്റില്‍ വന്‍ കോളിളക്കം സൃഷ്ടിക്കുകയാണ്. നിലവിലെ ഭാര്യ ബിയാന്‍കാ സെന്‍സോറി വളരെ സെന്‍സിറ്റീവും ഏറെക്കുറെ നഗ്നത പ്രദര്‍ശിപ്പിക്കുന്നതുമായ വസ്ത്രങ്ങള്‍ കൊണ്ട് ആരാധകരെ ഞെട്ടിക്കാന്‍ തുടങ്ങിയിട്ട കുറേ കാലമായി. അംഗപ്രത്യംഗങ്ങളും ശരീരവടിവും പുറത്തുകാണുന്ന നിലയില്‍ ഏറെക്കുറെ പൂര്‍ണ്ണനഗ്നത എന്ന് പറയാവുന്ന രീതിയിലുള്ള നാമമാത്ര വസ്ത്രങ്ങള്‍ ധരിച്ച് പൊതുവേദിയില്‍ പ്രത്യക്ഷപ്പെട്ടാണ് ബിയാന്‍ക കൗതുകമാകുന്നത്.
എന്നാല്‍ ബിയാന്‍കയെ വെല്ലുന്ന രീതിയില്‍ മറ്റൊരു ഫാഷന്‍ ട്രന്റുമായി മുന്‍ ഭാര്യ ജൂലിയാഫോക്‌സും എത്തി. വ്യാഴാഴ്ച ലോസ് ഏഞ്ചല്‍സ് ഔട്ടിംഗിനിടെ ഇതുവരെയുള്ള തന്റെ ഏറ്റവും വന്യമായ രൂപം പ്രകടിപ്പിച്ചാണ് 45 കാരി ഫോക്‌സ് ഫാഷന്റെ അതിരുകള്‍ ഭേദിച്ചത്. റാപ്പറുടെ മുന്‍ കാമുകി ലൈംഗികാവയവങ്ങള്‍ നഗ്നമായി പ്രദര്‍ശിപ്പിക്കുന്നതിന് സമാനമായ പ്രിന്റ് ബിക്കിനിയില്‍ ഒറ്റനോട്ടത്തില്‍ എല്ലാവരെയും അമ്പരപ്പിച്ചു.
ജൂലിയയുടെ ബിക്കിനി ടോപ്പില്‍ രോമങ്ങളാല്‍ ചുറ്റപ്പെട്ട നഗ്‌നമായ മാറിടത്തിന്റെയും തുന്നിക്കെട്ടിയ ലൈംഗികാവയവത്തിന്റെയും പ്രിന്റ് ഉണ്ടായിരുന്നു. അതില്‍ കുറുകെ ‘അടച്ചിരിക്കുന്നു’ എന്ന വാചകവും എഴുതിച്ചേര്‍ത്തു. നഗ്‌നമായ ചുണ്ടും ഇളം ചാരനിറത്തിലുള്ള ഐഷാഡോയും പരുക്കന്‍ കവിളുകളുമായാണ് ജൂലിയ എത്തിയത്. ഫോക്‌സിന്റെ ഏറ്റവും പുതിയ രൂപം ബിയാന്‍കയുമായി മത്സരിക്കുന്നതാണെന്ന് മാധ്യമങ്ങള്‍ പറയുന്നു.
കുറഞ്ഞ വസ്ത്രങ്ങള്‍ ധരിച്ച് മാസങ്ങളോളമാണ് ബിയാന്‍ക നേരത്തേ അമേരിക്കയില്‍ പരേഡ് നടത്തിയത്. ഇത് അവര്‍ക്ക് അസാധാരണ പ്രശസ്തിയും നല്‍കി. ശരീര-പോസിറ്റീവ് ഫാഷന്‍ പ്രേമികളുടെ ശ്രദ്ധ പിടിച്ചുപറ്റിയ ബിയാന്‍ക സമീപ മാസങ്ങളില്‍ എല്ലാം വെളിപ്പെടുത്തുന്ന വസ്ത്രങ്ങള്‍ ധരിച്ചിരുന്നു. ഫെബ്രുവരിയില്‍ 29-കാരിയായ ബിയാന്‍ക സുതാര്യമായ റെയിന്‍കോട്ട് ധരിച്ചിരുന്നു. തികച്ചും നഗ്‌നയായി പ്രത്യക്ഷപ്പെട്ട അവര്‍ ആകെപ്പാടെ ചെയ്തത് കാല്‍ മൂടുന്ന നിലയിലുള്ള ഒരു ജോടി മുട്ടോളം ഉയരമുള്ള കറുത്ത ബൂട്ടുകള്‍ ധരിച്ചു.
ബിയാങ്കയുടെ ‘ഭര്‍ത്താവ്’ കന്യേയുമായി ജൂലിയ ഡേറ്റ് ചെയ്യാറുണ്ടായിരുന്നു. ഇറ്റാലിയന്‍ വംശജയായ നടി 2021 ലെ പുതുവത്സരാഘോഷത്തില്‍ മിയാമിയിലെ ഒരു സര്‍പ്രൈസ് പ്രകടനത്തില്‍ കന്യെയെ കണ്ടുമുട്ടി, അദ്ദേഹത്തിന്റെ പുതിയ പ്രണയ താല്‍പ്പര്യമായി പ്രശസ്തി നേടുകയും വെറും ആറാഴ്ചയ്ക്ക് ശേഷം, വാലന്റൈന്‍സ് ദിനത്തില്‍ അവര്‍ തങ്ങളുടെ വേര്‍പിരിയല്‍ പ്രഖ്യാപിക്കുകയും ചെയ്തു.
