ബേക്കിംഗിൽ വ്യാപകമായി ഉപയോഗിച്ച് വരുന്ന ഒന്നാണ് മൈദ. ബ്രെഡും മറ്റും ബേക്കിംഗ് ചെയ്യുന്നതിനുള്ള ഏറ്റവും പ്രധാനപ്പെട്ട ചേരുവകളിലൊന്നായ മൈദയുടെ അമിത ഉപയോഗം ആരോഗ്യത്തിന് ഭീഷണിയാണ് . മൈദയുടെ ദോഷഫലങ്ങൾ അനവധിയാണ്. മൈദ പതിവായി കഴിക്കുന്നത് രക്തത്തിലെ പഞ്ചസാരയുടെ അളവിൽ ഗണ്യമായ വർദ്ധനവിന് ഇടയാക്കും. ഇത് ഇൻസുലിൻ പ്രതിരോധവും ടൈപ്പ് 2 പ്രമേഹവും വികസിപ്പിക്കാനുള്ള സാധ്യത വർദ്ധിപ്പിക്കും.
മാത്രമല്ല, മൈദയിൽ നിന്ന് അവശ്യ പോഷകങ്ങളും നാരുകളും നീക്കം ചെയ്യപ്പെടുന്നതിനാൽ ഇത് പോഷകാഹാരക്കുറവുള്ള ഒരു ഘടകമായി മാറുന്നു. ഇത് ദഹനപ്രശ്നങ്ങൾക്കും ശരീരഭാരം വർദ്ധിപ്പിക്കുന്നതിനും കാരണമാകും.
മൈദയുടെ അമിതമായ ഉപഭോഗം വിട്ടുമാറാത്ത പല രോഗങ്ങൾക്കും കാരണമാകുന്നുണ്ട് .
ആരോഗ്യകരമായി മൈദക്ക് പകരം ഉപയോഗിക്കാനാവുന്നവ ചുവടെ കൊടുക്കുന്നു
ബദാം പൊടി
ബേക്കിംഗിൽ മൈദയ്ക്ക് പകരം ആരോഗ്യകരമായി ഉപയോഗിക്കാവുന്ന ഒന്നാണ് ബദാം പൊടി . പ്രോട്ടീൻ, നാരുകൾ, ആരോഗ്യകരമായ കൊഴുപ്പുകൾ എന്നിവയാൽ സമ്പന്നമായ ബദാം പൊടി ആരോഗ്യത്തിന് ഗുണകരമാണ് .
ബദാം മാവ് ഗ്ലൂറ്റൻ രഹിതമാണ്. ഇതിൽ കാർബോഹൈഡ്രേറ്റിന്റെ അളവ് കുറവാണ്. കൂടാതെ ആൻ്റിഓക്‌സിഡൻ്റുകളും വിറ്റാമിനുകളും അടങ്ങിയിരിക്കുന്നു.
തേങ്ങാപ്പൊടി
മൈദയ്ക്ക് പകരമായി ബേക്കിംഗിൽ തേങ്ങാപ്പൊടി ഒരു മികച്ച ഓപ്ഷനാണ്. നാരുകളും പ്രോട്ടീനും കൂടുതലുള്ളതിനാൽ ഇത് ദഹനത്തിന് സഹായിക്കുന്നു. തേങ്ങാപ്പൊടിയിൽ കുറച്ച് കലോറിയും ആരോഗ്യകരമായ കൊഴുപ്പുകളും അടങ്ങിയിരിക്കുന്നു.
ഓട്സ് മാവ്
നാരുകളാൽ സമ്പന്നമായ ഓട്സ് മാവ് ദഹനത്തെ സഹായിക്കുകയും കൊളസ്ട്രോൾ കുറയ്ക്കുകയും ചെയ്യുന്നു. ആൻ്റിഓക്‌സിഡൻ്റുകൾ, വിറ്റാമിനുകൾ, ധാതുക്കൾ എന്നിവ ഇതിൽ അടങ്ങിയിരിക്കുന്നു. കൂടാതെ ഗ്ലൂറ്റൻ രഹിതവുമാണ്.
ഗോതമ്പ് പൊടി
നാരുകളും വിറ്റാമിനുകളും ധാതുക്കളും അടങ്ങിയ ഗോതമ്പ് പൊടി ആരോഗ്യത്തിനു മികച്ചതാണ്. ഇതിൻ്റെ പരുക്കൻ ഘടനയും പോഷക മൂല്യവും ഭക്ഷണത്തിന്റെ രുചി വർധിപ്പിക്കുന്നു. ഒപ്പം ഇവയിലെ ഉയർന്ന ഫൈബർ മികച്ച ദഹനവും പ്രധാനം ചെയ്യുന്നു.
