ഒരു കാപ്പി കുടിക്കുന്നതിന് സാധാരണഗതിയില്‍ എന്തു വില വരും. ചൈനയിലെ ഈ ഹോട്ടലില്‍ ഒരു കപ്പ് കാപ്പിയും ഒരു കഷ്ണം കേക്കും കഴിക്കാന്‍ വിലയെത്രയാണെന്നോ 298 യുവാന്‍ (ഏകദേശം 3415 രൂപ). ഷാങ്ഹായിലെ ഒരു ആഡംബര ഹോട്ടലില്‍ കാപ്പിയുടെ വില പക്ഷേ ഇപ്പോള്‍ വന്‍ചര്‍ച്ചയാണ്. ഒരു യുവതി കാപ്പിയുടെ വിലയേക്കുറിച്ച് പരാതിയുമായി ഓണ്‍ലൈനില്‍ എത്തിയതോടെ കളി മാറി.
പീസ് ഹോട്ടലില്‍ ഒരു വനിതാ ടൂറിസ്റ്റ് പങ്കിട്ട ഒരു വീഡിയോ ക്ലിപ്പ് ഒരു കപ്പ് കാപ്പിയും ഒരു ചെറിയ കഷണം കേക്കും കഴിക്കാന്‍ തനിക്ക് 298 യുവാന്‍ ആയെന്ന് പറഞ്ഞു. ഈ ഫൂട്ടേജ് മെയിന്‍ലാന്‍ഡ് സോഷ്യല്‍ മീഡിയയില്‍ പെട്ടെന്ന് ട്രാക്ഷന്‍ നേടി. അതേസമയം ഇതൊരു ടൂര്‍ പാക്കേജ് പോലെയാണെന്ന് വ്യക്തമാക്കി ഹോട്ടലുകാരും പിന്നാലെയെത്തി. ഈ വില നല്‍കി കാപ്പി കുടിച്ചാല്‍ ഹോട്ടലിനുള്ളില്‍ സജ്ജീകരിച്ചിരിക്കുന്ന മ്യൂസിയം സന്ദര്‍ശിക്കാനോ അല്ലെങ്കില്‍ അത് വര്‍ഷങ്ങളായി നടത്തി വരുന്ന ജാസ് പ്രകടനം ആസ്വദിക്കുകയോ ചെയ്യാനാകും. ഒരു കപ്പ് കാപ്പി സ്വീകരിക്കുന്നത് ഒരു പാക്കേജ് എടുക്കുന്നതിനെയാണ് അത് സൂചിപ്പിക്കുന്നതെന്ന് ഹോട്ടല്‍ വ്യക്തമാക്കി.
പാക്കേജ് ഇല്ലാതെ പ്രത്യേകം വാങ്ങുമ്പോള്‍ കോഫിയുടെയും കേക്കിന്റെയും സംയുക്ത വില 90 യുവാന്‍ (1024 രൂപ) ആണ്.ഐക്കണിക് ബണ്ട് ഏരിയയില്‍ സ്ഥിതി ചെയ്യുന്ന പീസ് ഹോട്ടല്‍ സമ്പന്നമായ ചരിത്രവും ആര്‍ട്ട് ഡെക്കോ വാസ്തുവിദ്യയും കൊണ്ട് ‘ഫാര്‍ ഈസ്റ്റിലെ നമ്പര്‍ വണ്‍ മാന്‍ഷന്‍’ എന്ന് അറിയപ്പെടുന്നു. ജൂത വ്യവസായിയായ ഏലിയാസ് വിക്ടര്‍ സാസൂണ്‍ 1929-ല്‍ തൂടങ്ങിയ ഹോട്ടല്‍ 1956-ല്‍ പീസ്ഹോട്ടല്‍ എന്ന് പുനര്‍നാമകരണം ചെയ്യപ്പെട്ടു, നിലവില്‍ ഒരു സര്‍ക്കാര്‍ ഉടമസ്ഥതയിലുള്ള ടൂറിസം ഗ്രൂപ്പിന്റേതാണ്.
രണ്ടാം ലോകമഹായുദ്ധസമയത്ത് രാജ്യത്തിന്റെ വ്യോമസേനയുടെ നിര്‍മ്മാണത്തില്‍ സഹായിക്കാന്‍ ചൈനയിലെത്തിയ അമേരിക്കന്‍ ജനറല്‍ ക്ലെയര്‍ ലീ ചെനോള്‍ട്ട്, വിഖ്യാത ബ്രിട്ടീഷ് കൊമേഡിയന്‍ ചാര്‍ളി ചാപ്ലിന്‍ എന്നിവരുള്‍പ്പെടെ നിരവധി പ്രമുഖ വ്യക്തികളെ ഹോട്ടല്‍ സ്വാഗതം ചെയ്തിട്ടുണ്ട്. 1998-ല്‍, ഷാങ്ഹായ് മേയര്‍ സു കുവാങ്ഡി, ചൈന സന്ദര്‍ശിച്ച അന്നത്തെ യുഎസ് പ്രസിഡന്റ് ബില്‍ ക്ലിന്റണും സംസ്ഥാനം സന്ദര്‍ശിച്ചപ്പോള്‍ ഭാര്യ ഹിലാരിക്കും വിരുന്നൊരുക്കിയത് പീസ് ഹോട്ടലില്‍ വിരുന്നൊരുക്കി. 70-കളിലും 80-കളിലും പരിചയസമ്പന്നരായ സംഗീതജ്ഞരെ ഉള്‍പ്പെടുത്തി ഉണ്ടാക്കിയെടുത്ത ഹോട്ടലിന്റെ ജാസ് ബാന്‍ഡ് 40 വര്‍ഷത്തിലേറെയായി ഇവിടെ പരിപാടി അവതരിപ്പിക്കുന്നു.
ക്ലിന്റണ്‍ പോലും അവരോടൊപ്പം സ്റ്റേജില്‍ ചേര്‍ന്നു. ഹോട്ടലിന്റെ മ്യൂസിയത്തില്‍ അവിടെ താമസിച്ചിരുന്ന സെലിബ്രിറ്റികള്‍ ഉപയോഗിച്ച പോര്‍സലൈന്‍, വെള്ളി പാത്രങ്ങള്‍ എന്നിവ പ്രദര്‍ശിപ്പിക്കുന്നു. ഈ വര്‍ഷമാദ്യം, ബ്ലോസംസ് ഷാങ്ഹായ് എന്ന ഹിറ്റ് ടിവി സീരീസില്‍ പ്രത്യക്ഷപ്പെട്ട പ്രധാന കഥാപാത്രം താമസിച്ചത് ഹോട്ടലിന്റെ ബ്രിട്ടീഷ് സ്യൂട്ടില്‍ ആയിരുന്നു. പീസ് ഹോട്ടലിന് ചരിത്രപരമായ ഒരു മൂല്യമുണ്ട്. ഈ കെട്ടിടത്തിന് പിന്നിലെ കൂടുതല്‍ കഥകള്‍ വെളിപ്പെടുത്താന്‍ വേണ്ടിയാണ് സന്ദര്‍ശനമെന്നാണ് ഉപയോക്താക്കളുടെ പക്ഷം.
