ഓരോ വീടിനും പിന്നിലും ഒരിക്കലും തളരാത്ത ഒരമ്മയുണ്ട്; ജോലിക്കാരിയായ അമ്മയുടെ വൈറല്‍ വീഡിയോ
Posted onAuthorAksaComments Off on ഓരോ വീടിനും പിന്നിലും ഒരിക്കലും തളരാത്ത ഒരമ്മയുണ്ട്; ജോലിക്കാരിയായ അമ്മയുടെ വൈറല്‍ വീഡിയോ
ഒരു അമ്മയുടെ ജീവിതം ഒരിക്കലും എളുപ്പമുള്ളതല്ല, അടുത്തിടെ വൈറലായ ഒരു വീഡിയോ ഇത് വീണ്ടും തെളിയിക്കുന്നു. അസുഖമുള്ള കുട്ടികളെയും, വീട്ടുജോലിയും, ഓഫീസ് ജോലിയും ഒരേസമയം കൈകാര്യം ചെയ്യുന്ന ഒരു അമ്മയുടെ ജീവിതമാണ് വീഡിയോ കാണിച്ചു തരുന്നത്. നിശബ്ദമായി ഓരോ അമ്മമാരുടേയും ഉള്ളിലെ അദൃശ്യമായ ശക്തിയെ വെളിപ്പെടുത്തുന്ന ഈ കഥ ഹൃദയസ്പർശിയായി.
അമ്മയുടെ വൈറൽ വീഡിയോ
വീടും, കുട്ടികളെയും, ജോലിയും എങ്ങനെ ഒരേസമയം കൈകാര്യം ചെയ്യുന്നുവെന്ന് അവർ ഇതിൽ കാണിക്കുന്നു. ഓരോ ദിവസവും അമ്മമാർ എത്രമാത്രം ജോലി ചെയ്യുന്നുവെന്ന് എല്ലാവരെയും ഓർമ്മിപ്പിച്ചു വീഡിയോ ക്ലിപ്. സ്ത്രീ അടുക്കളയ്ക്കും കുട്ടികൾക്കുമിടയിൽ ഓടിനടക്കുന്നത് കാണാം.
കുട്ടികളില്‍ ഒരാൾക്ക് അസുഖമാണ്, നിരന്തരമായ പരിചരണം ആവശ്യമാണ്, മറ്റെയാൾ കിടപ്പുമുറിയിൽ തനിച്ചിരുന്ന് കളിക്കുന്നു. അവർ പറയുന്നു: “ഇതാണ് ഒരമ്മയുടെ ജീവിതം. കുഞ്ഞിന് അസുഖമാണ്, ഒരുവശത്ത് ഭക്ഷണം ഉണ്ടാക്കണം, ഒരു കുട്ടിയെ ശ്രദ്ധിക്കണം, അതിന്റെ കൂടെ മറ്റേ കുട്ടിയെയും നോക്കണം, വീട്ടിലിരുന്ന് ജോലി ചെയ്യുകയും വേണം, ഞാൻ ഒരു വർക്കിംഗ് വുമൺ ആണ്, അതാണ് അമ്മയുടെ ജീവിതം, അത് അമ്മക്ക് മാത്രമേ സഹിക്കേണ്ടതുള്ളൂ.”അവർ കൂട്ടിച്ചേർത്തു.
“രണ്ട് കുട്ടികളെയും ഒറ്റയ്ക്കാക്കാൻ കഴിയില്ല, ഒരാൾ താഴെ വീഴരുത്, ഒരാൾ പനി കാരണം ബുദ്ധിമുട്ടുകയാണ്. എന്നാൽ ഇതെല്ലാം ഒരു അമ്മ മാത്രമാണ് നോക്കേണ്ടത്.’’ അമ്മമാർ എല്ലാം ഒറ്റയ്ക്ക് കൈകാര്യം ചെയ്യണമെന്ന് പ്രതീക്ഷിക്കുന്നത് എത്രമാത്രം അന്യായമാണെന്ന് പല കാഴ്ചക്കാരും പ്രതികരിച്ചത് അവരുടെ വാക്കുകൾക്ക് കൂടുതൽ ശക്തി നൽകി.ഏതാനും ദിവസങ്ങൾക്ക് മുമ്പ് ‘pranvi_ki_maa’ എന്ന ഇൻസ്റ്റാഗ്രാം ഹാൻഡിലിൽ പങ്കുവെച്ച ഈ വീഡിയോയ്ക്ക് 913k കാഴ്ചക്കാർ ലഭിച്ചു.
ഭൂരിഭാഗം സ്ത്രീകളും വഹിക്കുന്ന അദൃശ്യമായ ഭാരത്തെയും സുഗമമായി പ്രവർത്തിക്കുന്ന ഓരോ വീടിനും പിന്നിൽ ഒരിക്കലും തളരാത്ത ഒരമ്മയുണ്ടെന്നതിനെക്കുറിച്ചും ഈ വീഡിയോ ശക്തമായ ഓർമ്മപ്പെടുത്തുന്നു .”വിവാഹം കഴിക്കേണ്ടെന്ന് എന്നെ ഓർമ്മിപ്പിച്ചതിന് നന്ദി,” ഒരു ഉപയോക്താവ് എഴുതി. “വിവാഹിതരായ നിരവധി സിംഗിൾ അമ്മമാരെ ഞാൻ കണ്ടിട്ടുണ്ട്. ഇപ്പോൾ എനിക്ക് വിവാഹത്തെ പേടിയാണ്,” രണ്ടാമതൊരാൾ കുറിച്ചു. “എന്തുകൊണ്ടാണ് ഭർത്താക്കന്മാർക്ക് ഈ സമയത്ത് സഹായിക്കാൻ കഴിയാത്തതെന്ന് എനിക്ക് മനസ്സിലാകുന്നില്ല,” മൂന്നാമത്തെ ഉപയോക്താവ് എഴുതി.
“നിങ്ങളുടെ ജോലി കുറയ്ക്കാൻ ഒരു വേലക്കാരിയെ വെക്കാൻ ഭർത്താവിനോട് പറയൂ,” നാലാമതൊരാൾ കൂട്ടിച്ചേർത്തു.”ഭർത്താവിന് ഒരു സഹായിയെ താങ്ങാനോ ഭാര്യയും ജോലി ചെയ്യുന്നുണ്ടെന്ന് മനസ്സിലാക്കാൻ മാനസികമായി പക്വത നേടാനോ കഴിയുന്നില്ലെങ്കിൽ എന്തിനാണ് അവർ രണ്ട് കുട്ടികളെ പ്ലാൻ ചെയ്തതെന്ന് എനിക്ക് മനസ്സിലാകുന്നില്ല, കുഞ്ഞുങ്ങളെ ഉൽപാദിപ്പിക്കുന്ന പ്രവൃത്തിയിൽ അല്ലാതെ മറ്റെന്തെങ്കിലും അയാൾ സംഭാവന ചെയ്യേണ്ടതുണ്ട്,” അഞ്ചാമതൊരാൾ അഭിപ്രായപ്പെട്ടു.
നന്നായി ഡ്രൈവിംഗ് അറിയാമെങ്കിലും തിരക്കേറിയ വീഥിയില്‍ കാര്‍ പാര്‍ക്ക് ചെയ്യുന്നത് ഇപ്പോഴും പലര്‍ക്കും തലവേദനയാണ്. ഇവരെ ലക്ഷ്യമിട്ടാണ് കൊറിയന്‍ കാര്‍ ഭീമനായ ഹ്യുണ്ടായ് 90 ഡിഗ്രി തിരിക്കാന്‍ കഴിയുന്ന ഒരു കാര്‍ സാക്ഷാത്കരിച്ചിരിക്കുന്നത്. ഹ്യൂണ്ടായിയുടെ എഞ്ചിനീയറിംഗ് വര്‍ക്ക്‌ഷോപ്പായ മോബിസ് ചക്രം നന്നായി തിരിച്ച് പാര്‍ക്കിംഗ് അനായാസമാക്കുന്ന കാറാണ് അവതരിപ്പിച്ചിരിക്കുന്നത്. ഞണ്ടു നടക്കുന്നത് പോലെ പാര്‍ക്കിംഗിന് അനുയോജ്യമായ രീതിയില്‍ കാര്‍ പ്രത്യേകരീതിയില്‍ ചേസിസ് അനങ്ങാതെ ചക്രം മാത്രം തിരിച്ച് ഓടിക്കാനാകും. മോബിസിലെ എഞ്ചിനീയര്‍മാര്‍ വലിയ സെന്‍ട്രല്‍ ഇലക്ട്രിക് മോട്ടോറിന് Read More…
12 വര്‍ഷം തുടര്‍ച്ചയായി ഗര്‍ഭിണിയായിരുന്ന ഒന്‍പത് കുട്ടികളുടെ അമ്മയിപ്പോള്‍ നാല്‍പ്പതാം വയസ്സില്‍ മുത്തശ്ശിയാകാനൊരുങ്ങുന്നു. 2000 മുതല്‍ 2012 വരെ ഗര്‍ഭിണിയായിരുന്ന ലാസ് വെഗാസില്‍ നിന്നുള്ള കോറ ഡ്യൂക്കാണ് മുത്തശ്ശിയാകുന്ന വിവരം അറിയിച്ചിരിക്കുന്നത്. വാര്‍ത്തകേട്ട് സാമൂഹ്യമാധ്യമങ്ങളിലെ അവരുടെ എട്ടരലക്ഷം ഫോളോവേഴ്‌സ് ഞെട്ടിയിരിക്കുകയാണ്. തന്റെ വലിയ കുടുംബത്തിലെ ജീവിതം രേഖപ്പെടുത്തുന്ന ഇവരുടെ പോസ്റ്റുകള്‍ക്ക് ഓണ്‍ലൈനില്‍ ഏറെ ആരാധകരുണ്ട്. 2000-ല്‍ 16 വയസ്സുള്ളപ്പോള്‍ ആദ്യമായി ഗര്‍ഭിണിയായ കോറ ഇതുവരെ ഒമ്പത് കുട്ടികള്‍ക്ക് ജന്മം നല്‍കി, അതില്‍ എട്ട് പേരും രക്ഷപ്പെടുകയും ചെയ്തു. Read More…
ഓസ്ട്രേലിയയിലെ പോഡ്കാസ്റ്റ് പ്രൊഡ്യൂസറായ ബ്രീ സ്റ്റിലെ പങ്കിട്ട ഇന്ത്യയിലെ ഡേറ്റിങ് സംസാകാരത്തെക്കുറിച്ചുള്ള അനുഭവങ്ങള്‍ സമൂഹ മാധ്യമങ്ങളില്‍ വൈറലായിരിക്കുകയാണ്. 2023 മുതല്‍ ഇന്ത്യയില്‍ മുഴുവന്‍ യാത്ര ചെയ്തതിന്റെ അനുഭവത്തിലാണ് ഇവര്‍ ഇന്ത്യന്‍ പുരുഷന്മാരും ഓസ്ട്രേലിയന്‍ പുരുഷന്മാരും തമ്മിലുള്ള വ്യത്യാസങ്ങളും ബോളിവുഡ് സിനിമകള്‍ ഇന്ത്യന്‍ ഡേറ്റിങ് സംസ്‌കാരത്തെ എങ്ങനെ സ്വാധീനിക്കുന്നുവെന്നും വിശദീകരിച്ചിരിക്കുന്നത്. ബ്രീ അഭിപ്രായപ്പെടുന്നത് ഓസ്ട്രേലിയയിലെ പുരുഷന്മാര്‍ സ്ത്രീകളെ ആകര്‍ഷിക്കാനായി തമാശകളോ പരിഹാസങ്ങളോ ഉപയോഗിക്കുന്നത് സാധാരണയാണെന്നാണ് . എന്നാല്‍ ഇന്ത്യന്‍ പുരുഷന്മാര്‍ നേരിട്ടും വിശ്വാസയോഗ്യമായും സമീപിക്കുന്നു. ഇന്ത്യയിൽ, ആളുകൾ കാര്യങ്ങൾ Read More…
