പകോടക്കടയിൽ ചട്ണിയെച്ചൊല്ലി രണ്ട് ഗ്രൂപ്പുകൾ തമ്മിൽ നടന്ന തല്ലിന്റെ വീഡിയോ സോഷ്യൽ മീഡിയയിൽ ലഹരി പോലെയാണ് പടരുന്നത്. ഉത്തർപ്രദേശിലെ ഹാപ്പൂറിലെ ദെഹ്‌റ ഗ്രാമത്തിലാണ് സംഭവം നടന്നത്. പകൽവെളിച്ചത്തിൽ തിരക്കേറിയ ചന്തമധ്യത്തിൽ ഇരുവിഭാഗത്തിലെയും ആളുകൾ പരസ്പരം കൈകാര്യം ചെയ്യുന്നതും ചവിട്ടുന്നതും ദൃശ്യങ്ങളിൽ കാണാം. കൂടുതൽ ഉപഭോക്താക്കളെ ആകർഷിക്കുന്നതിനെച്ചൊല്ലി തെരുവ് കച്ചവടക്കാർ ഏറ്റുമുട്ടിയ 2021-ലെ പ്രശസ്തമായ ‘ബാഗ്പത് പോരാട്ട’ത്തോടാണ് ആളുകൾ ഈ സംഭവത്തെ ഉപമിക്കുന്നത്.
