കാമുകിയുടെ ആത്മഹത്യാ പ്രേരണാകുറ്റത്തിന് പുഷ്പയിലെ നടന് ജഗദീഷ് പ്രതാപ് ബണ്ഡാരി അറസ്റ്റില്. ജഗദീഷിനെ ബുധനാഴ്ച ഹൈദരാബാദില് പഞ്ചഗുട്ട പോലീസാണ് അറസ്റ്റ് ചെയ്തത്. സംഭവത്തെക്കുറിച്ച് ജഗദീഷും കുടുംബവും ഇതുവരെ ഔദ്യോഗികമായി പ്രതികരിച്ചിട്ടില്ല. മരിച്ചയാളുമായി ലിവ്-ഇന് ബന്ധത്തിലാണെന്ന് പറയപ്പെടുന്ന നടന്, പെണ്കുട്ടിയുടെ വീട്ടുകാര് തന്നെ ഉപദ്രവിച്ചിരുന്നതായും ബ്ലാക്ക് മെയില് ചെയ്തതായും ആരോപിക്കപ്പെടുന്നു.
നവംബര് 29 നാണ് ഈ ദാരുണമായ സംഭവം അരങ്ങേറിയത്. പെണ്കുട്ടി തൂങ്ങിമരിക്കുകയായിരുന്നു. ജഗദീഷിന്റെ പ്രവര്ത്തയാണ് മകളെ ആത്മഹത്യയിലേക്ക് തള്ളിവിട്ടതെന്ന് പെണ്കുട്ടിയുടെ പിതാവ് ആരോപിച്ചു. അന്വേഷണത്തില് മരിച്ച പെണ്കുട്ടിയുടെ ഫോണില് നിന്നും നിര്ണ്ണായകമായ തെളിവുകളും കണ്ടെത്തിയിട്ടുണ്ട്.
നവംബര് 7 ന് മറ്റൊരാളുമായി പെണ്കുട്ടി നില്ക്കുന്ന ഫോട്ടോളും വീഡിയോകളും ജഗദീഷ് എടുത്തിരുന്നതായി ഫോണില് കണ്ടെത്തി. അല്ലു അര്ജുന്റെ പുഷ്പ എന്ന ചിത്രത്തിലെ സഹനടന്റെ വേഷത്തിലായിരുന്നു ജഗദീഷ് പ്രതാപ് ബണ്ഡാരി ശ്രദ്ധേയനായത്.