ഇപ്പോൾ ലണ്ടനിലുള്ള ബ്രസീലിയൻ മോഡലും ആര്യൻ ഖാന്റെ കാമുകി എന്ന് അഭ്യൂഹവുമുള്ള ലാരിസ ബോൺസി (Larissa Bonesi) വാർത്തകളിൽ നിറഞ്ഞിരിക്കുകയാണ്. ഇതിന് കാരണം ആയിരക്കണക്കിന് മൈലുകൾക്കപ്പുറം ഇന്ത്യയിൽ നടക്കുന്ന ഒരു രാഷ്ട്രീയ വിവാദമാണ്.
2024-ലെ ഹരിയാന തിരഞ്ഞെടുപ്പുമായി ബന്ധപ്പെട്ട് കോൺഗ്രസ് നേതാവ് രാഹുൽ ഗാന്ധി നടത്തിയ പത്രസമ്മേളനത്തിൽ ഒരു “ബ്രസീലിയൻ മോഡലിനെ” കുറിച്ച് സംസാരിച്ചതിന് പിന്നാലെ നിരവധി സോഷ്യൽ മീഡിയ ഉപയോക്താക്കൾ അവരുടെ ഏറ്റവും പുതിയ ഇൻസ്റ്റാഗ്രാം പോസ്റ്റിന് താഴെ കമന്റുകളും തമാശകളും കൊണ്ട് നിറച്ചു.
ഹരിയാന തിരഞ്ഞെടുപ്പിലെ വോട്ടർ പട്ടികയിൽ ഒരേ സ്ത്രീയുടെ ചിത്രം “22 തവണ” വ്യത്യസ്ത പേരുകളിൽ പ്രത്യക്ഷപ്പെട്ടതായി രാഹുൽ ഗാന്ധി ആരോപിച്ചു. സംസ്ഥാന തിരഞ്ഞെടുപ്പിൽ വലിയ ക്രമക്കേടുകൾ നടന്നിട്ടുണ്ടെന്നും അദ്ദേഹം പറഞ്ഞു.”
ആരാണ് ഈ സ്ത്രീ? എന്താണ് ഇവരുടെ പേര്? എവിടെ നിന്നാണ് വരുന്നത്? എന്നാൽ ഇവർ ഹരിയാനയിൽ 10 വ്യത്യസ്ത ബൂത്തുകളിലായി 22 തവണ വോട്ട് ചെയ്യുന്നു. ഇവർക്ക് സീമ, സ്വീറ്റി, സരസ്വതി, രശ്മി, വിമല എന്നിങ്ങനെ നിരവധി പേരുകളുണ്ട്… എന്നാൽ ഇവർ യഥാർത്ഥത്തിൽ ഒരു ബ്രസീലിയൻ മോഡൽ ആണെന്ന് തെളിഞ്ഞു,” രാഹുൽ ഗാന്ധി പത്രസമ്മേളനത്തിൽ പറഞ്ഞു.
താമസിയാതെ, ഈ സ്ത്രീ ലാരിസ ബോൺസിയാണെന്ന് ഇന്റർനെറ്റ് അനുമാനിച്ചു. എന്നാൽ വോട്ടർ പട്ടികയിൽ ചിത്രം പ്രത്യക്ഷപ്പെട്ട സ്ത്രീയുടെ പേര് ലാരിസ നെറി (Larissa Nery) എന്നാണ്.
എന്നാല് രാഹുൽ ഗാന്ധി പത്രസമ്മേളനത്തിൽ പങ്കുവെച്ച ചിത്രത്തെക്കുറിച്ച് ലാരിസ നെറി വീഡിയോയിൽ, വ്യക്തത വരുത്തി.
