40-ാം വയസ്സിലേക്ക് കടക്കുമ്പോൾ ശരീരവും മനസും നമ്മോട് സംസാരിക്കാൻ തുടങ്ങും. നേരത്തെ ശ്രദ്ധിക്കാത്ത ചെറിയ ചെറിയ കാര്യങ്ങൾ പോലും ഇപ്പോൾ ശ്രദ്ധിക്കാൻ തുടങ്ങിയിട്ടുണ്ടാകും. ഇപ്പോൾ അതിജീവനം, ആരോഗ്യസംരക്ഷണം, ആത്മസംതൃപ്തി തുടങ്ങിയ കാര്യങ്ങൾക്കാണ് മുൻഗണന.
ഈ ജീവിതഘട്ടം വലിയ മാറ്റങ്ങളുടെയും സമീപനങ്ങളുടെയും സമയമാണ്. ഇതാ, നിങ്ങൾ 40-ൽ കയറിയെന്ന് മനസിലാക്കാൻ സഹായിക്കുന്ന ചില പ്രധാന സൂചനകളും ഈ പ്രായത്തിൽ ശ്രദ്ധിക്കേണ്ട പ്രധാനപ്പെട്ട കാര്യങ്ങളും:
ചെറുതായി നടന്നാലും ക്ഷീണം തോന്നുന്നു. ശരീരത്തിന്റെ സ്റ്റാമിന കുറയുന്നത് സാധാരണമാണ്. വൈകാരിക, ശാരീരിക പ്രവർത്തനങ്ങൾക്ക് ശേഷമുള്ള ക്ഷീണത്തിനു കൂടുതൽ ദൈർഘ്യമനുഭവപ്പെടുന്നു.
വായനയ്ക്ക് കണ്ണാടി ആവശ്യമായി വരും. പ്രസ്ബൈഒപിയ (age-related farsightedness) 40-ൽ സാധാരണമാണ്. ഫോൺ സ്ക്രീൻ അകറ്റി വായിക്കേണ്ട സ്ഥിതിയുണ്ടോ? എങ്കില് കണ്ണ് ഒന്നു ചെക്ക് ചെയ്ത നോക്കൂ..
ചർമത്തിന്റെ തിളക്കം കുറയുന്നു. കൊളാജൻ ഉൽപാദനം കുറയുന്നതിന്റെ പ്രത്യാഘാതം ചർമ്മത്തിൽ കാണാം. നെറ്റിയിൽ കുറച്ചു വരകൾ, ടോണിന്റെ മാറ്റം തുടങ്ങിയവ തുടങ്ങുന്നു.
ശ്വാസത്തിന്റെ ഗതി മാറുന്നു. സാധാരണ നടത്തം പോലും ഹൃദയമിടിപ്പ് കൂടുന്നതിന് കാരണമാകുന്നത് കാർഡിയോക് ഫിറ്റ്നസ്സിന്റെ കുറവായിരിക്കും.
40-ാം വയസ്സിനുശേഷം വാർഷിക ഹെൽത്ത് ചെക്കപ്പ് നിർബന്ധമാക്കുക:
ബ്ലഡ് പ്രഷർ
ബ്ലഡ് ഷുഗർ
കോളസ്റ്റ്രോൾ
മാമോഗ്രാം/പെല്വിക് സ്കാൻ (സ്ത്രികൾക്ക്)
പ്രോസ്റ്റേറ്റ് ടെസ്റ്റ് (പുരുഷന്മാർക്ക്)
പോഷകാഹാരത്തിൽ ശ്രദ്ധവേണം. ശരിയായ ഡയറ്റാണ് ഏറ്റവും വലിയ ഇൻവെസ്റ്റ്മെന്റ്.
കൃത്യ സമയയ്യ് ഭക്ഷണം കഴിക്കുക.
ജംഗ് ഫുഡ് കുറയ്ക്കുക
കാൽഷ്യം, വിറ്റാമിൻ D, ഫൈബർ എന്നിവ ഉൾക്കൊള്ളുന്ന ആഹാരം കൂടുതൽ കഴിക്കുക
ആത്മസംതൃപ്തിയിലേക്ക് ശ്രദ്ധ
ഇപ്പോൾ നിങ്ങളുടെ ജീവിതാനുഭവങ്ങൾ മറ്റുള്ളവരുമായി പങ്കുവെക്കാൻ നല്ല സമയമാണ്. ഹോബികൾക്ക് സമയം കണ്ടെത്തുക, പുതിയ കാര്യങ്ങൾ പഠിക്കാൻ തയ്യാറാവുക.
ഉറങ്ങുന്നതിലും പ്രത്യേകം ശ്രദ്ധ
40-ാം വയസ്സിൽ ഹോർമോൺ ബാലൻസിനും മാനസിക സമാധാനത്തിനും നല്ല ഉറക്കം അത്യാവശ്യമാണ്. ചിലർക്ക് ഉറക്കക്കുറവും ക്ഷീണവും കാണാം. ഇത് ശാരീരിക മാനസിക ക്ഷമതയെ ബാധിക്കും.
40-ൽ പ്രവേശിക്കുമ്പോൾ അത് മുന്നോട്ടുള്ള പക്വതയുടെയും ബുദ്ധിപൂർവമായ ചുവടുവെയ്പ്പുകളുടെയും തുടക്കമാണ്. ശരീരത്തെയും മനസ്സിനെയും പരിചരിക്കാൻ തുടങ്ങിയാൽ മാത്രം, നിങ്ങളുടെ ജീവിതത്തിലെ ഏറ്റവും ശക്തമായ, ശ്രദ്ധാപൂർവമായ സമയമാക്കാൻ കഴിയും.
