മുടിയുടെ ആരോഗ്യം നിർണ്ണയിക്കുന്നതിൽ നമ്മുടെ ഭക്ഷണക്രമം ഒരു പ്രധാന പങ്ക് വഹിക്കുന്നുണ്ട്. അകാല നര, മുടിയുടെ വേരുകൾ ദുർബലമാകുക, അമിതമായ മുടി കൊഴിച്ചിൽ എന്നിവ അനുഭവപ്പെടുകയാണെങ്കിൽ, നിങ്ങളുടെ ഭക്ഷണത്തിൽ ബയോട്ടിൻ, മഗ്നീഷ്യം, ചെമ്പ്, സിങ്ക് എന്നിവയുടെ കുറവ് ഉണ്ടാകാനുള്ള സാധ്യത വളരെ കൂടുതലാണ്. ഈ അവശ്യ പോഷകങ്ങൾ അടങ്ങിയ ഭക്ഷണങ്ങൾ കഴിക്കുന്നത് നിങ്ങളുടെ മുടിയുടെ ആരോഗ്യം മെച്ചപ്പെടുത്തും. അടുത്തിടെയുള്ള ഇൻസ്റ്റാഗ്രാം വീഡിയോയിൽ, പോഷകാഹാര വിദഗ്ധ രചന മോഹൻ മുടിയുടെ ആരോഗ്യം വർദ്ധിപ്പിക്കുന്നതിനുള്ള ലളിതവും രുചികരവുമായ ഇന്ത്യൻ പാചകക്കുറിപ്പ് പങ്കിട്ടു. ഏറ്റവും രസകരമായ കാര്യം ഈ വിഭവം ചേന-തേങ്ങാ ചട്ണിയുമായി ചേർന്ന ഒരു സ്വാദിഷ്ടമായ റാഗി ദോശയാണ്.
മുടിയുടെ ആരോഗ്യത്തിന് ഉത്തമമായ ഈ ദോശയുടെ പാചകക്കുറിപ്പിൽ ഉപയോഗിക്കുന്ന നാല് പ്രധാന ചേരുവകൾ റാഗി (ദോശയിൽ ഉപയോഗിക്കുന്നത്), ചെറുപയർ, തൈര്, തേങ്ങ (ചട്ണിയിൽ ) എന്നിവയാണ്.
ഈ 4 ഭക്ഷണങ്ങൾ മുടിയുടെ ആരോഗ്യം വർദ്ധിപ്പിക്കുന്നത് എങ്ങനെയെന്ന് നോക്കാം.
- റാഗി- ഇരുമ്പ്, കാൽസ്യം, അമിനോ ആസിഡുകൾ തുടങ്ങിയ അവശ്യ പോഷകങ്ങൾ അടങ്ങിയ റാഗി തലയോട്ടിയിലെ രക്തചംക്രമണം മെച്ചപ്പെടുത്താനും മുടി വളർച്ചയെ ത്വരിതപ്പെടുത്താനും മുടി കൊഴിച്ചിൽ കുറയ്ക്കാനും സഹായിക്കുന്നു.
- ചെറുപയർ- ഉയർന്ന പ്രോട്ടീനും സിങ്കും അടങ്ങിയ ചെറുപയർ രോമകൂപങ്ങളെ പോഷിപ്പിക്കുകയും ആരോഗ്യകരമായ മുടിയുടെ വളര്‍ച്ചയെ സഹായിക്കുകയും ചെയ്യുന്നു.
- തൈര്- പ്രോബയോട്ടിക്സും പ്രോട്ടീനും നിറഞ്ഞ തൈര് തലയോട്ടിയുടെ ആരോഗ്യം മെച്ചപ്പെടുത്തുകയും താരൻ കുറയ്ക്കുകയും മുടി കൊഴിച്ചിലിന് കാരണമാകുന്ന വീക്കം കുറയ്ക്കുകയും ചെയ്യുന്നു.
- തേങ്ങ– ആരോഗ്യകരമായ കൊഴുപ്പുകളും വിറ്റാമിനുകളും കൊണ്ട് സമ്പുഷ്ടമായ തേങ്ങ രോമകൂപങ്ങളെ ശക്തിപ്പെടുത്തുകയും മുടി പൊട്ടുന്നത് തടയുകയും ചെയ്യുന്നു.
റാഗി ദോശയും ചട്നിയും തയാറാക്കുന്നത് കാണാന്‍ ഈ വീഡിയോ കാണുക.
