ബോളിവുഡിലെ സൂപ്പര് ഹീറോ ജോണ് എബ്രഹാം പാതി മലയാളിയാണെന്ന് നമുക്കറിയാം. എന്നാല് അദ്ദേഹത്തിന് ഏറ്റവും പ്രിയപ്പെട്ട ഭക്ഷണം ഒരു കേരളാ വിഭവമാണ്. ഒരു അഭിമുഖത്തിലാണ് തന്റെ ഇഷ്ട വിഭവത്തിനെ കുറിച്ച് അദ്ദേഹം വെളിപ്പെടുത്തിയത്. താന് ഒറ്റ ഇരുപ്പില് 35 അപ്പം വരെ കഴിക്കുമെന്നാണ് ജോണ് എബ്രഹാം വെളിപ്പെടുത്തിയത്. താരത്തിന് പല ഭാഷകളായി വലിയ ആരാധകരുണ്ട്. ശരീരത്തിന്റെ ഫിറ്റനെസിന് വളരെ അധികം പ്രാധാന്യം നല്കുന്ന ജോണിന് കേരളാ വിഭാവത്തിനോടുള്ള ഇഷ്ടം പലവരെയും ആശ്ചര്യപ്പെടുത്തുന്നുണ്ട്. അദ്ദേഹത്തിന് ഏറെ ഇഷ്ടം അപ്പം, പുട്ട് തുടങ്ങിയ വിഭവങ്ങളോടാണ്.
ലോകത്തില് തന്നെ തനിക്ക് ഏറ്റവും ഇഷ്ടം കേരളത്തിലെ പ്രഭാത ഭക്ഷണത്തിനോടാണെന്ന് അദ്ദേഹം പറയുന്നു. ഇടിയപ്പം, വെള്ളയപ്പം, ഉണ്ണിയപ്പം, തുടങ്ങിയവ ജോണിന്റെ മനസ്സ് കീഴടക്കിയവയാണ്. അപ്പത്തിന്റെ കൂടെ മുട്ടകറിയും കടലക്കറിയും കൂട്ടി കഴിക്കുന്നതാണ് തനിക്ക് ഏറെ ഇഷ്ടമെന്നും അദ്ദേഹം പറഞ്ഞു.
അമ്മയുണ്ടാക്കി തരുന്ന അവിയല് ഒരുപാട് ഇഷ്ടമാണെന്നും താരം പറയുന്നു. താന് പണ്ട് നോണ് വെജായിരുന്നുവെന്നും ഇപ്പോള് വെജാണെന്നും അദ്ദേഹം പറഞ്ഞു. നോണ്വെജില് തനിക്കേറെ ഇഷ്ടം ആലപ്പുഴ ചെമ്മീന് കറി ആയിരുന്നുവെന്നും അദ്ദേഹം പറയുന്നു.