വിരശല്യം കുട്ടികളെയും മുതിര്ന്നവരേയും സാരമായി ബാധിയ്ക്കുന്ന ഒന്നാണ്. മുതിര്ന്നവരേക്കാള് ചെറിയ കുട്ടികളെയാണ് ഇത് പ്രശ്നത്തിലാക്കാറുള്ളത്. അമിതമായി പുറത്ത് നിന്നും ആഹാരം കഴിക്കുന്നവരിലും വ്യക്തി ശുചിത്വം കുറഞ്ഞവരിലും വിരശല്യം കണ്ട് വരാറുണ്ട്. കുട്ടികള് ചിലപ്പോള് മണ്ണിലും മറ്റും കളിച്ചതിന് ശേഷം കൈകള് വൃത്തിയായി കഴുകിയില്ലെങ്കില് അതും വിരശല്യം ഉണ്ടാകുന്നതിന് കാരണമാകുന്നു. നല്ലപോലെ വേവിച്ചതും വൃത്തിയുള്ള അന്തരീക്ഷത്തില് പാചകം ചെയ്തതുമായ ആഹാരങ്ങള് കുട്ടികള്ക്ക് നല്കാന് ശ്രദ്ധിയ്ക്കണം. തിളപ്പിച്ച് ചൂടാറിയ വെള്ളം മാത്രമായിരിയ്ക്കണം കുട്ടികള്ക്ക് നല്കേണ്ടത്. മഴക്കാലത്തെല്ലാം പല സ്ഥലത്ത് നിന്നും വെള്ളം ഒഴുകി എത്തുന്നതിനാല് വിരകള് ഉണ്ടാകാന് സാധ്യതയുണ്ട്. അതിനാല് വെള്ളം തിളപ്പിക്കാതെ കുടിക്കരുത്. വിരശല്യം ഉണ്ടായാല് വീട്ടില് തന്നെ ചെയ്യാവുന്ന കാര്യങ്ങളെ കുറിച്ച് അറിയാം….
- വിരശല്യം വന്നാലുള്ള ബുദ്ധിമുട്ടുകള് – വിരശല്യം വന്നാല് മലദ്വാരത്തില് ചൊറിച്ചില് അനുഭവപ്പെടാം. അതുപോലെ തന്നെ അമിതമായി ക്ഷീണം അനുഭവപ്പെടാന് തുടങ്ങും. ആഹാരം കഴിച്ച് വയര് നിറഞ്ഞാലും വീണ്ടും കുറച്ച് സമയം കഴിയുമ്പോള് കഴിക്കാന് തോന്നും. ഇത് മാത്രമല്ല, ചിലര്ക്ക് അമിതമായി തടി കുറയുന്ന അവസ്ഥ കണ്ട് വരാറുണ്ട്. അതുപോലെ തന്നെ വയറുവേദന, വയറിളക്കം, ഛര്ദ്ദി, പനി, കഫക്കെട്ട് എന്നിവയും ലക്ഷണങ്ങളാണ്. വിരശല്യം ഉള്ളവരില് രക്തക്കുറവും അതുപോലെ മൂത്രം ഒഴിക്കുമ്പോള് വേദനയും ഇവരില് കാണപ്പെടുന്നു. ഇത്തരം ലക്ഷണങ്ങള് ഉണ്ടെങ്കില് അത് ഗുരുതരമാകുന്നതിന് മുന്പ് ഡോക്റെ കണ്ട് മരുന്ന് കഴിക്കേണ്ടത് അനിവാര്യമാണ്.
- പപ്പായയുടെ കുരു – പപ്പായ പോലെ തന്നെ പപ്പായയുടെ കുരുവും ആരോഗ്യത്തിന് നല്ലതാണെന്ന് നമ്മള്ക്ക് അറിയാം. വയറ്റില് നിന്നും വിരശല്യം അകറ്റാന് പപ്പായയുടെ കുരു നല്ലതാണ്. ഇതില് കാര്പെയ്ന് എന്ന എന്സൈം അടങ്ങിയിരിക്കുന്നു. ഇത് ദഹനം കൃത്യമായി നടകകാനും അതുപോലെ തന്നെ വയര് ക്ലീനാക്കി എടുക്കാനും സഹായിക്കുന്നുണ്ട്. ദഹനം കൃത്യമായി നടക്കുന്നതിനാല് തന്നെ വയര് ക്ലീനാവുകയും കൃത്യമായി മലബന്ധം ഉണ്ടാവുകയും ചെയ്യുന്നു. ഇത് വിരശല്യം കുറയ്ക്കാന് സഹായിക്കുന്നുണ്ട്. കുട്ടികള് പപ്പായയുടെ കുരു നേരിട്ട് കൊടുത്താല് കഴിക്കാന് സാധ്യത വളരെ കുറവാണ്. അതിനാല്, പപ്പായയുടെ കുരു ചതച്ചതിന് ശേഷം തേനില് ചാലിച്ച് കുട്ടികള്ക്ക് കൊടുക്കാം. അല്ലെങ്കില് പപ്പായയുടെ നീരില് തന്നെ ഇവ ചതച്ച് കൊടുക്കാവുന്നതാണ്.
- പൈനാപ്പിള് – പൈനാപ്പിളില് എന്സൈം ആയ ബ്രോമെലെയ്ന് അടങ്ങിയിരിക്കുന്നു. ഇത് വിരശല്യം ഒഴിവാക്കാന് സഹായിക്കുന്നുണ്ട്. അതിനാല്, കുട്ടികള്ക്ക് വിരശല്യത്തിന്റെ ലക്ഷണം ഉണ്ടെങ്കില് നിങ്ങള്ക്ക് പൈനാപ്പിള് വാങ്ങി കഴിക്കാന് കൊടുക്കാവുന്നതാണ്. പൈനാപ്പിള് കഴിക്കുമ്പോള് അത് ചെറിയ കഷ്ണങ്ങളാക്കി കൊടുക്കാം. ഇല്ലെങ്കില് മധുരം ചേര്ക്കാതെ ജ്യൂസ് അടിച്ചും നിങ്ങള്ക്ക് പൈനാപ്പിള് കുട്ടികള്ക്ക് കൊടുക്കാവുന്നതാണ്. നിങ്ങളുടെ കുട്ടിക്ക് പൈനാപ്പിള് അലര്ജി ആണെങ്കില് ഇത് ഒരിക്കലും കൊടുക്കരുത്. അതുപോലെ തന്നെ ജ്യൂസ് തയ്യാറാക്കുമ്പോള് മധുരം ചേര്ക്കുന്നത് വിരശല്യം വര്ദ്ധിക്കുന്നതിന് കാരണമാകും. അതിനാല്, കാര്യങ്ങള് ശ്രദ്ധിച്ച് മാത്രം ചെയ്യുക.
- തൈര് – വീട്ടില് തൈര് ഉണ്ടെങ്കില് അത് കഴിച്ചാലും കുട്ടികളില് നിന്നും വിരശല്യം മാറ്റി എടുക്കന് സഹായിക്കും. തൈര പ്രോബയോട്ടിക് റിച്ച് ഫുഡ് ആയതിനാല് തന്നെ വയര് നല്ലപോലെ ക്ലീനാക്കി എടുക്കാന് ഇത് സഹായിക്കുന്നുണ്ട്. അതിനാല്, തൈര് കുട്ടികള്ക്ക് നല്കാവുന്നതാണ്. ചിലര് തൈരില് പഞ്ചസാര ചേര്ത്ത് കഴിക്കുന്നത് കാണാം. എന്നാല്, വിരശല്യമുള്ളപ്പോള് ഇത്തരത്തില് തൈര് നല്കാന് പാടുള്ളതല്ല. തൈര് ഉപ്പ് പോലും ചേര്ക്കാതെ ആഹാരത്തിന്റെ കൂടെ നല്കുന്നത് നല്ലതായിരിക്കും.
- ക്യാരറ്റും ബീറ്റ്റൂട്ടും – വിരശല്യം അകറ്റാന് നല്ലതാണ് ക്യാരറ്റും ബീറ്റ്റൂട്ടും. അവ ആന്റിഓക്സിഡന്റ്സ് അടങ്ങിയ പച്ചക്കറികള് ആയതിനാല് തന്നെ കുട്ടികളുടെ രോഗപ്രതിരോധശേഷി വര്ദ്ധിപ്പിക്കാന് ഇത് സഹായിക്കുന്നുണ്ട്. അതിനാല് തന്നെ ശരീരത്തില് നിന്നും അണുബാധകളും വിരശല്യങ്ങളും ഇല്ലാതാക്കാന് ഈ പച്ചക്കറികള് കഴിക്കുന്നതിലൂടെ സാധിക്കും. ഈ പച്ചക്കറികളില് നാരുകളുടെ സാന്നിധ്യവും ഉണ്ട്. നാരുകള് അടങ്ങിയിരിക്കുന്നതില് തന്നെ വയര് ക്ലീന് ആക്കാന് ഇവ നല്ലതാണ്. അതിനാല്, കുട്ടികളില് വിരശല്യം കണ്ടെത്തിയാല് ആദ്യം ക്യാരറ്റ് കഴിക്കാന് നല്കാം. ഇല്ലെങ്കില് ബീറ്റ്റൂട്ടും അതുപോലെ ക്യാരറ്റും ജ്യൂസ് അടിച്ച് കുട്ടികള്ക്ക് നല്കാവുന്നതാണ്.